ಚುನಾವಣಾ ಫಲಿತಾಂಶ ವಿಭಜನೆ ವಿರುದ್ಧದ ಏಕತೆಯ ಗೆಲುವು: ರಾಹುಲ್ ಗಾಂಧಿ

ನವದೆಹಲಿ: ಬಿಹಾರ ವಿಧಾನಸಭಾ ಚುನಾವಣಾ ಫಲಿತಾಂಶವೊಂದು ವಿಭಜನೆಯ ವಿರುದ್ಧದ ಏಕತೆಯ ಗೆಲುವು ಎಂದು ಕಾಂಗ್ರೆಸ್ ಉಪಾಧ್ಯಕ್ಷ ರಾಹುಲ್ ಗಾಂಧಿ ಅವರು ಭಾನುವಾರ ಹೇಳಿದ್ದಾರೆ.

ಬಿಹಾರ ವಿಧಾನಸಭಾ ಚುನಾವಣಾ ಫಲಿತಾಂಶ ಕುರಿತಂತೆ ಇಂದು ಟ್ವಿಟರ್ ನಲ್ಲಿ ಪ್ರತಿಕ್ರಿಯೆ ನೀಡಿರುವ ಅವರು, ಬಿಹಾರ ಚುನಾವಣಾ ಫಲಿತಾಂಶವೊಂದು ವಿಭಜನೆ ವಿರುದ್ಧದ ಏಕತೆಯ ಗೆಲುವಾಗಿದೆ. ಅಹಂಕಾರ ವಿರುದ್ಧದ ಮಾನವೀಯತೆಯ ಜಯ. ದ್ವೇಷದ ವಿರುದ್ಧದ ಪ್ರೀತಿಯ ಗೆಲವು. ಈ ಗೆಲವು ಬಿಹಾರ ಜನತೆಯ ಗೆಲವು ಎಂದು ಹೇಳಿದ್ದಾರೆ

ಬಿಹಾರ ಗೆಲುವಿಗಾಗಿ ಬಿಹಾರದ ಜನತೆ, ನಿತೀಶ್ ಕುಮಾರ್, ಲಾಲೂ ಪ್ರಸಾದ್ ಯಾದವ್, ಕಾಂಗ್ರೆಸ್ ನಾಯಕರು, ಎಲ್ಲಾ ಕಾರ್ಯಕರ್ತರು ಹಾಗೂ ಮಹಾ ಮೈತ್ರಿ ಕೂಟಕ್ಕೆ ಅಭಿನಂದನೆಗಳು ಎಂದು ಟ್ವೀಟರ್ ನಲ್ಲಿ ಪ್ರತಿಕ್ರಿಯೆ ನೀಡಿದ್ದಾರೆ.