ರಸ್ತೆ ಅಪಘಾತದಲ್ಲಿ ಪ್ರತಿ ಗಂಟೆಗೆ 16 ಮಂದಿ ದುರ್ಮರಣ: ವರದಿ

ನವದೆಹಲಿ: ದೇಶದಲ್ಲಿ ಪ್ರತಿ ಗಂಟೆಗೆ ರಸ್ತೆ ಅಪಘಾತದಲ್ಲಿ ಸುಮಾರು 16 ಮಂದಿ ಸಾವನ್ನಪ್ಪುತ್ತಿದ್ದಾರೆ ಎಂದು ವರದಿಯೊಂದು ತಿಳಿಸಿದೆ. ಶೇಕಡ 80 ರಷ್ಟು ಸಾವು ಸಂಚಾರ ನಿಯಮಗಳಿಗೆ ಸಂಬಂಧಿಸಿದ್ದಾಗಿದೆ ಎಂದು ರಾಷ್ಟ್ರೀಯ ಅಪರಾಧಗಳ  ದಾಖಲೆ ಸಂಸ್ಥೆ ತಿಳಿಸಿದೆ.

2014 ರಲ್ಲಿ ಪ್ರತಿ ಗಂಟೆಗೆ 51 ಅಪಘಾತಗಳು ಸಂಭವಿಸಿದ್ದು, ಅದರಲ್ಲಿ 16 ಜನ ಸಾವನ್ನಪ್ಪಿದ್ದಾರೆ. ಕಳೆದ ವರ್ಷ ಸಂಭವಿಸಿದ 4.5 ಲಕ್ಷ ಅಪಘಾತಗಳಲ್ಲಿ 1,41, 526 ಮಂದಿ ಸಾವನ್ನಪ್ಪಿ, 4,77,731 ಮಂದಿ ಗಾಯಗೊಂಡಿದ್ದಾರೆ ಎಂದು ವರದಿ ತಿಳಿಸಿದೆ.

ದೇಶದಲ್ಲಿ ಶೇ. 83.7ರಷ್ಟು ಅಪಘಾತಗಳು ಸಂಭವಿಸುತ್ತಿದ್ದೂ. ಅದರಲ್ಲಿ ರಸ್ತೆ ಅಪಘಾತದಿಂದ ಶೇ.14.8 ರಷ್ಟು ಸಾವು ಸಂಭವಿಸುತ್ತಿದೆ. ಇನ್ನು ಶೇ. 1.5 ರಷ್ಟು ಜನ ರೈಲ್ವೆ ಅಪಘಾತದಿಂದ ಪ್ರಾಣ ಕಳೆದುಕೊಳ್ಳುತ್ತಿದ್ದಾರೆ ಎಂದು ವರದಿ ತಿಳಿಸಿದೆ.

2013 ರಲ್ಲಿ ಶೇ.2.9 ರಷ್ಟು ಇದ್ದ ಅಪಘಾತ ಪ್ರಮಾಣ 2014 ರಲ್ಲಿ ಮತ್ತಷ್ಟು ಹೆಚ್ಚಿದೆ. ತಮಿಳುನಾಡಿನಲ್ಲಿ 67, 250, ಮಹಾರಾಷ್ಟ್ರದಲ್ಲಿ 44,382, ಕರ್ನಾಟಕದಲ್ಲಿ,43,694, ಮದ್ಯಪ್ರದೇಶದಲ್ಲಿ 39.698 ಮತ್ತು ಕೇರಳದಲ್ಲಿ  35, 872 ಅಪಘಾತ ಕೇಸುಗಳು ದಾಖಲಾಗಿವೆ.