ದೇಶದ ತಲಾದಾಯ ರು.7 ಸಾವಿರ

ನವದೆಹಲಿ: `ನಮ್ಮ ಸರ್ಕಾರ ಅಧಿಕಾರಕ್ಕೆ ಬಂದ ಬಳಿಕ ಒಳ್ಳೆಯ ದಿನಗಳು ಬರುತ್ತವೆ.' ಚುನಾವಣಾ ಪ್ರಚಾರದ ವೇಳೆ ಪ್ರಧಾನಿ ಮೋದಿ ಹೇಳಿದ್ದು ಮತ್ತೊಮ್ಮೆ ನಿಜವಾಗಿದೆ.

ದೇಶದ ವ್ಯಕ್ತಿಯೊಬ್ಬನ ತಲಾ ಆದಾಯವನ್ನು ಪ್ರತಿ ತಿಂಗಳಿಗೆ ರು 6,699ಕ್ಕೆ ಏರಿಸಿ ನಿಗದಿಪಡಿಸಲಾಗಿದೆ. ಈ ಹಿಂದೆ ಅದರ ಪ್ರಮಾಣ ರು 6,198.33 ಆಗಿತ್ತು. ರಾಷ್ಟ್ರೀಯ ಲೆಕ್ಕಪತ್ರ ತಪಸಣಾ ವಿಧಾನ (ನ್ಯಾಷನಲ್ ಅಕೌಂಟ್ಸ್ ಕ್ಯಾಲ್ಕ್ಯುಲೇಷನ್ ಮೆಥಡಾಲಜಿ)ದಲ್ಲಿ ಕೇಂದ್ರ ಸರ್ಕಾರ ಬದಲಾವಣೆ ಮಾಡಿದ್ದರಿಂದ ಈ ಬೆಳವಣಿಗೆ ಉಂಟಾಗಿದೆ.

ಪ್ರತಿ ಐದು ವರ್ಷಗಳಿಗೆ ಒಮ್ಮೆ ಈ ವ್ಯವಸ್ಥೆಯಲ್ಲಿ ಬದಲಾವಣೆ ಮಾಡಲಾಗುತ್ತಿದೆ. 2010ರಲ್ಲಿ ಈ ವ್ಯವಸ್ಥೆಯಲ್ಲಿ ಬದಲು ಮಾಡಲಾಗಿತ್ತು. ಪರಿಷ್ಕೃತ ವಿಧಾನಕ್ಕೆ 2011-12ನೇ ವಿತ್ತೀಯ ವರ್ಷವನ್ನು ಆಧಾರವನ್ನಾಗಿಸಿಕೊಳ್ಳಲಾಗಿದೆ. 2012-12ನಲ್ಲಿ ವ್ಯಕ್ತಿಯ ತಲಾ ಆದಾಯ ರು 5,966.08 ಮತ್ತು ರು 5,359.67 ಎಂದು ನಿರ್ಧರಿಸಲಾಗಿತ್ತು.  ಇದೇ ವೇಳೆ 2013-14ನೇ ವಿತ್ತೀಯ ವರ್ಷದಲ್ಲಿ ದೇಶದ ಅರ್ಥ ವ್ಯವಸ್ಥೆ ಶೇ.50ರಷ್ಟು ಬೆಳವಣಿಗೆ ಸಾಧಿಸಲಾಗಿದೆ ಎಂದು ಕೇಂದ್ರ ತಿಳಿಸಿದೆ.

ನರೇಂದ್ರ ಮೋದಿ ಅ„ಕಾರಕ್ಕೇರಿದ ಸಂದರ್ಭದಲ್ಲಿ ಅರ್ಥವ್ಯವಸ್ಥೆ ಶೇ.6.7ರ ದರದಲ್ಲಿ ಬೆಳವಣಿಗೆ ಸಾಧಿಸಿತ್ತು. ಈ ಹಿಂದೆ ವರದಿಯಾಗಿದ್ದಂತೆ ಅದು ಶೇ.4.7 ಅಲ್ಲ ಎಂದು ಕೇಂದ್ರ ಅಂಕಿ ಅಂಶ ಇಲಾಖೆಯ ಮುಖ್ಯ ಸಾಂಖ್ಯಿಕ ಅಧಿಕಾರಿ ಟಿ.ಸಿ.ಎ.ಅನಂತ್ ತಿಳಿಸಿದ್ದಾರೆ. ಸ್ಮಾರ್ಟ್ ಫೋನ್ ಮತ್ತು ಎಲ್‍ಇಡಿ ಉತ್ಪಾದನಾ ಕ್ಷೇತ್ರಗಳಲ್ಲಿಯೂ ಗಣನೀಯ ಪ್ರಗತಿ ಸಾಧಿಸಿರುವುದು ಕೂಡ ಈ ಬೆಳವಣಿಗೆ ದಾಖಲಿಸಲು ನೆರವಾಗಿದೆ.