'ಸರಳ್' ಉಡ್ಡಾಯನ ಯಶಸ್ವಿ

ಶ್ರೀಹರಿಕೋಟಾ: ಬಹುನಿರಿಕ್ಷಿತ ಫ್ರೆಂಚ್-ಭಾರತದ ಸಹಯೋಗದಿಂದ ನಿರ್ಮಿತವಾಗಿದ್ದ 'ಸರಳ್' ಸ್ಯಾಟಲೈಟನ್ನು, ಆಂಧ್ರಪ್ರದೇಶದ ಶ್ರೀಹರಿಕೋಟಾ ಸತೀಶ್ ಧವನ್ ಅಂತರಿಕ್ಷ ಬಾಹ್ಯಾಕಾಶ ಕೇಂದ್ರದಿಂದ ಸೋಮವಾರ ಸಂಜೆ 6 ಗಂಟೆಗೆ ಯಶಸ್ವಿಯಾಗಿ ಉಡಾಯಿಸಲಾಯಿತು. ಈ ಮೂಲಕ ಇಸ್ರೋಗೆ ಮತ್ತೊಂದು ಗರಿಮೆ ಬಂದಂತಾಗಿದೆ.

ಉಡಾವಣೆ ಮಾಡಿದ ನಂತರ ರಾಕೆಟ್ನಿಂದ ಸ್ಯಾಟಲೈಟ್ಗಳು ಪ್ರತ್ಯೇಕಗೊಂಡು ಅಂತರಿಕ್ಷಕ್ಕೆ ಹಾರಿದವು. ಈ ಕುತೂಹಲದ ಉಡಾವಣೆಯನ್ನು ವೀಕ್ಷಿಸಲು ಖುದ್ದು ರಾಷ್ಟ್ರಪತಿ ಪ್ರಣಬ್ ಮುಖರ್ಜಿ ಅವರೇ ಆಗಮಿಸಿದ್ದರು.

664 ಕೆ.ಜಿ ಭಾರ ಹಾಗೂ 44.8 ಮೀಟರ್ ಅಗಲದ ಈ ಉಪಗ್ರಹದಲ್ಲಿ ಒಟ್ಟು 7 ಸಣ್ಣ ಸಣ್ಣ ಸ್ಯಾಟಲೈಟ್ಗಳನ್ನು ಜೋಡಿಸಲಾಗಿತ್ತು. ಇಸ್ರೋ ಈವರೆಗೆ 23 ಪಿಎಸ್ಎಲ್ವಿ ಸ್ಯಾಟಲೈಟ್ಗಳನ್ನು ಉಡಾಯಿಸಿದ್ದು, ಅದರಲ್ಲಿ 21 ಯಶಸ್ವಿಯಾಗಿವೆ.

ಕಳೆದ ಡಿಸೆಂಬರ್ 2012ರಲ್ಲೇ ಇಸ್ರೋ ಸರಳ್ ಸ್ಯಾಟಲೈಟ್ ಅಂತರಿಕ್ಷಕ್ಕೆ ಹಾರಿಸುವ ಯೋಜನೆ ಹಾಕಿಕೊಂಡಿತ್ತು. ಆದರೆ ತಾಂತ್ರಿಕ ತೊಂದರೆಯಿಂದ ಉಡಾವಣೆ ಸಾಧ್ಯವಾಗಿರಲಿಲ್ಲ.