ಉತ್ತರಾಧಿಕಾರಿ

ಶ್ರೀಧರ್ ಡಿ.ರಾಮಚಂದ್ರಪ್ಪ, ತುರುವನೂರು
    ಬಸ್ ಏಜೆಂಟ್‌ಗೂ, ಎಲ್‌ಐಸಿ ಏಜೆಂಟ್‌ಗೂ ವ್ಯತ್ಯಾಸವೇನು ?
    -ಬಸ್ ಏಜೆಂಟ್ ಬಸ್ ಸ್ಟಾಪ್‌ಗಳ ಬಗ್ಗೆ ಹೇಳ್ತಾನೆ. ಎಲ್‌ಐಸಿ ಏಜೆಂಟ್ ನಿಮ್ಮ 'ಲಾಸ್ಟ್ ಸ್ಟಾಪ್‌' ಬಗ್ಗೆ ಮಾಹಿತಿ ಕೊಡ್ತಾನೆ !
    ಬೋ.ಪಾ. ವೆಂಕಟೇಶ್, ಬೆಂಗಳೂರು
    ಪ್ರಕೃತಿಯಲ್ಲಿ ಹಸಿರೇ ಇಲ್ಲದಿದ್ದರೆ ಹೇಗಿರುತ್ತಿತ್ತು ?
    - ಮನುಷ್ಯಾಕೃತಿಗಳಲ್ಲಿ ಉಸಿರೇ ಇರುತ್ತಿರಲಿಲ್ಲ !
    ಪಿ.ಜೆ.ರಾಘವೇಂದ್ರ, ಮೈಸೂರು
    ಲೋಕೋಪಯೋಗಿ ಇಲಾಖೆ ಎಂದು ಬರೆಯುವ ಬದಲು 'ಲೋ ಕೋಪ ಯೋಗಿ' ಇಲಾಖೆ ಎಂದು ಬರೆದಿದ್ದಾರಲ್ಲ ?
    - ಎಷ್ಟು 'ಲೋ' ಲೆವೆಲ್ಲಲ್ಲಿ ಬರೆದ್ರೂ ಆ ಇಲಾಖೆಗೆ ಕೋಪ ಬರೋಲ್ಲ !
    ವಿ.ಹೇಮಂತ ಕುಮಾರ್, ಬೆಂಗಳೂರು
    ಮುಂದೊಂದು ದಿನ ಪ್ರಿಯಾಂಕಗಾಂಧಿ ಇಂದಿರಾಗಾಂಧಿ ತರಹ ಆಗಬಹುದಾ ?
    - ಅದೇ ಯೋಚನೆಯಲ್ಲೇ ರಾಹುಲ್‌ಗಾಂಧಿ ಮನೇಲಿ ನಿದ್ರೆ ಮಾಡೋದು ಬಿಟ್ಟು ಲೋಕಸಭೆಯಲ್ಲಿ ನಿದ್ರೆ ಮಾಡ್ತಿದ್ದಾರೆ !
    ಎಂ.ಬಿ.ಕೃಷ್ಣಮೂರ್ತಿ, ಚಾಮರಾಜನಗರ
    ದಿನಪತ್ರಿಕೆಗೂ ವಾರಪತ್ರಿಕೆಗೂ ವ್ಯತ್ಯಾಸ ?
    - ದಿನಪತ್ರಿಕೆ ಫಾಸ್ಟ್‌ಫುಡ್, ವಾರಪತ್ರಿಕೆ ರೆಡಿಮೇಡ್ ಫುಡ್ !
    ಶ್ರೀಕಾಂತ್ ಮುದಗಲ್ಲ, ಇಳಕಲ್ಲ
    ಸಾಲ ಮಾಡಿಯಾದರೂ ತುಪ್ಪ ತಿನ್ನು ಅನ್ನುತ್ತಾರಲ್ಲ ಏಕೆ ?
    - ಅದು ಸಾಲ ಮಾಡಿ ಹಸು, ಎಮ್ಮೆ ಕೊಂಡವರ ಮಾತು !
    ಉಜ್ಜನಿ ಜಲೇಂದ್ರ ಮಲ್ಲುಂಗೆರೆ
    ಹಿಂದಿನ ಮಹಾರಾಜರುಗಳಿಗೂ, ಇಂದಿನ ಮಠಾಧೀಶರಿಗೂ ವ್ಯತ್ಯಾಸವೇನು ?
    - ಮಹಾರಾಜರು ಕುದುರೆ ಮೇಲೆ ಸವಾರಿ ಮಾಡ್ತಿದ್ರು, ಈಗಿನ ಮಠಾಧೀಶರು ರಾಜಕಾರಣಿಗಳ ಮೇಲೆ ಸವಾರಿ ಮಾಡ್ತಾರೆ !
    ಬಿ.ಎಂ.ಪರಶಿವಮೂರ್ತಿ, ಬೆಂಗಳೂರು
    ಹೆಣ್ಣಿಗೆ ಶೀಲವೇ ಆಭರಣ, ಗಂಡಿಗೆ ?
    - ದುಡ್ಡಿನ ಚೀಲ !

=  ಎಸ್.ವಿ. ಪದ್ಮನಾಭ