ಏನ್ ನಾಟಕ ಮಾಡ್ತಾರಲೇ...

ತಮ್ಮಾ: ಅದೇನು ತಿಮ್ಮಾ ಅವಾಗಡ 50 ರುಪಾಯಿ ಕೊಟ್ಟಿಡಡ!!
ತಿಮ್ಮಾ: ದೇಣಿಗೆ ಅಲ್ಲ... ನಾಟಕ ಟಿಕಿಟು ತಗೊಂಡೆ ನೋಡಿಲ್ಲೆ...
ತಮ್ಮಾ: ಅರೆ ಹೌದಲಾಡಡ... ಯಾವ ನಾಟಕ...?
ತಿಮ್ಮಾ: ಅದಡ ಹಳೇ ನಾಟಕ...
ತಮ್ಮಾ: ಯಾರ ಮಾಡ್ತಾರ??
ತಿಮ್ಮಾ: ಅದಡ ಹಳೇ ತಂಡ, ಆದರ ಅದರಾಗಿನ ಕಲಾವಿದರ ಹೊಸಬರು...
ತಮ್ಮಾ: ಯಾಕ...!!
ತಿಮ್ಮಾ: ಯಾಕಂದರ ಅದರಾಗಿನ ಒರಿಜಿನಲ್ ಕಲಾವಿದರು ಈಗ ಟಿವಿ ಧಾರಾವಾಹಿಯೊಳಗ ಬಿಸಿ ಅದಾರ... ಇಲ್ಲ ವಯಸ್ಸಾಗಿ ಮಾತು ಮರಿತಾರ, ಅದಕ್ಕ!
ತಮ್ಮಾ: ಛೊಲೋ ಬಿಡ್, ಹಳೇ ನೀರು ಹೋಗಬೇಕು ಹೊಸ ನೀರು ಬರಬೇಕು. ಆದರ ಒಂದು ವಿಷಯ ತಿಳಿವಲ್ಲದು, ಇವರ್ಯಾಕ ತಮ್ಮ 'ಹವ್ಯಾಸ'ಕ್ಕ ಪ್ರೇಕ್ಷಕರಿಂದ ರೊಕ್ಕಾ ಇಸಗೋತಾರು?
ತಿಮ್ಮಾ: ಅಂದರ?
ತಮ್ಮಾ: ಅಂದರ ನೋಡಿಲ್ಲೇ ಈ ಟಿಕೇಟು, ತಂಡದ ಹೆಸರಿನ ಕೆಳಗ 'ಹವ್ಯಾಸ ಕಲಾವಿದರು' ಅಂತ ಬರದಾರ ಇಲ್ಲೋ...
ತಿಮ್ಮಾ: ಹೌದ ಬರದಾರ...
ತಮ್ಮಾ: ಅಂದರ ಇವರ ' ಹವ್ಯಾಸ' ಅಂತ ನಾಟಕ ಮಾಡ್ತಾರ ಇಲ್ಲೋ?
ತಿಮ್ಮಾ: ಹೌದು...
ತಮ್ಮಾ: ಮತ್ತಡ ಇವರ ಹವ್ಯಾಸಕ್ಕ ನಾವ್ಯಾಕ್ ರೊಕ್ಕ ಕೊಡಬೇಕರಿ? ಆಗ ನೋಡ್ರಿ ಒಬ್ಬ ಸಂಗೀತಗಾರ ನಾ ಹವ್ಯಾಸಕ್ಕ ಹಾಡ್ತೇನಿ 50 ರುಪಾಯಿ ಟಿಕೇಟು ತಗೋರಿ ಅಂದರ ತಗೋತಿಯೇನು?
ತಿಮ್ಮಾ: ಇಲ್ಲ... ಹಾಡ ಹಾಡೋದನ್ನ ಪೂರ್ಣ ಕಲಿತು ಕಛೇರಿ ಮಾಡು ಆಗ ಟಿಕೇಟ ತಗೊಳ್ಳೋಣಂತ ಅಂತೇನಿ...
ತಮ್ಮಾ: ಕರೆಕ್ಟು... ಹಂಗ, ಚಿತ್ರ ತೆಗೆಯುವಾಗ, ಕಥಿ, ಕವನ ಬರೆಯವರಿಗೆ, ಕುಣಿಯವರಿಗೆ, ಬಾರಿಸವರಿಗೆ...?
ತಿಮ್ಮಾ: ಆದರ ಕನ್ನಡ ಹವ್ಯಾಸಿ ನಾಟಕದವರ ಯಾಕ್ ಹಿಂಗಡಡ..??
ತಿಮ್ಮಾ: ನನಗನಿಸತೈತಿ ಇದು ಅವರ ಹಳೇ ಚಟ... ಹಿಂದಿನಿಂದ ಬಂದದ್ದು... ಅವರ ಕಡೆ ರೊಕ್ಕ ಇರುದಿಲ್ಲೋ ಏನೋ?
ತಮ್ಮಾ: ಯಾಕ್ ಇರುದಿಲ್ಲೋ? ಸರ್ಕಾರಿ ದೊಡ್ಡ ಹುದ್ದೆದಾಗ ಇರತಾರ ಇವರು- ಕೈತುಂಬ ಪಗಾರ, ಬ್ಯಾಂಕನಾಗ ದುಡಿತಾರ, ಪೇಪರ್‌ನ್ಯಾಗ ಬರಿತಾರ, ಕಾಲೇಜು ಕೆಲಸದಾಗ ಇರತಾರ, ಸಾವಿರ-ಲಕ್ಷಗಟ್ಟಲೆ ಪಗಾರ ತಗೋತಾರ, ಮ್ಯಾಲ ಸರ್ಕಾರಿ ಉತ್ಸವ, ಜಾನಪದ ಜಾತ್ರೆ, ಏಡ್ಸ್ ತಿಳಿವಳಿಕೆ ನಾಟಕ ಅಂತೆಲ್ಲ ಕಾಂಟ್ರೆಕ್ಟ್ ಮಾಡತಾರ...
ತಿಮ್ಮಾ: ಇವುಗಳನ್ನೆಲ್ಲ 'ಪ್ರೊಫೆಷನಲ್‌' ಆಗಿ ಮಾಡ್ತಿರಬೇಕಲಾ!
ತಮ್ಮಾ: ಛಂದ ಆದರ 'ಪ್ರೊಫೆಷನಲ್ ಆಗಿ ಮಾಡಿದಿವಿ' ಅಂತಾರ, ಅದಡ ಹದಗೆಟ್ಟ ಹೋದರ 'ಹವ್ಯಾಸಗಳಪ್ಪ... ಒಂದು ಪ್ರಯತ್ನ ಮಾಡಿದಿವಿ' ಅನಕೋತ ವಸೂಲಿಗೆ ಓಡ್ಯಾಡತಾರ...
ತಿಮ್ಮಾ: ಮತ್ತು ನಾಟಕ ಸಾಲ್ಯಾಗ 'ಡಿಗ್ರಿ' ಓದಿ ಬಂದಿರತಾರಲಾ ಅವರೇನು ಮಾಡ್ತಾರ..?
ತಮ್ಮಾ: ಅವರ ಪ್ರೊಫೆಷನಲ್ ಆಗಿ ನಾಟಕ ನಿರ್ದೇಶಿಸಲಿ ಬಿಡಲಿ... ಸರ್ಕಾರಿ ನಾಟಕ ಕಂಪನಿ ನಿರ್ದೇಶಕರಾಗತ್ತಾರ!


- ಯಶವಂತ ಸರದೇಶಪಾಂಡೆ
khullamkhullabevubella@gmail.com