ನಿಮ್ಮ ಭಾನುವಾರದ ಓದಿನ ‘ಖುಷಿ’ಯನ್ನು ನಾವೇ ಬುಕ್ ಮಾಡಿದ್ದೇವೆ!

ಇಷ್ಟು ದಿನ ಕಾಪಾಡಿಕೊಂಡ ರಹಸ್ಯವನ್ನು ಬಿಚ್ಚಿಡುವ ಕಾಲ ಹತ್ತಿರ ಬರುತ್ತಿದೆ.ಕಳೆದ ಓಂದು ತಿಂಗಳಿನಿಂದ ನಾವು ‘ಕನ್ನಡ ಪ್ರಭ’ದ ಮುಖಪುಟದಲ್ಲಿ ಜಾಹೀರಾತನ್ನು ನೀಡುತ್ತಲೇ ಇದ್ದೆವು. ಅದರ ಬಗ್ಗೆ ಓದುಗರಲ್ಲಿ ಒಂದು ವಿಚಿತ್ರ ಕುತೂಹಲ ಮೂಡುತ್ತಲೇ ಇತ್ತು.

ಪತ್ರಿಕೆಯ ಪುಟಗಳ ಸಂಖ್ಯೆ ಜಾಸ್ತಿ ಮಾಡ್ತೀರಾ, ಪತ್ರಿಕೆಯ ವಿನ್ಯಾಸ ಬದಲಾಯಿಸ್ತೀರಾ, ಹೆಚ್ಚು ಕಲರ್ ಪುಟಗಳನ್ನು ಕೊಡ್ತೀರಾ… ಹೀಗೆ ಹತ್ತಾರು ಪ್ರಶ್ನೆಗಳನ್ನು ಓದುಗರು ಕೇಳುತ್ತಲೇ ಇದ್ದರು. ನಾವು ಅವರ ಕುತೂಹಲವನ್ನು ಕಾದಿಡಲು ಹಲವಾರು ಕಾರಣಗಳನ್ನು ಕೊಡುತ್ತಲೇ ಬಂದೆವು. ಈಗ ಅವನ್ನು ತೆರೆದಿಡುವ ಕಾಲ ಸನಿಹವಾಗುತ್ತಿದೆ.

ಇನ್ನು ಮುಂದೆ ನಿಮ್ಮ ಭಾನುವಾರ ಡಿಫೆರೆಂಟ್ ಆಗಿರುತ್ತದೆ.ನಮ್ಮ ‘ಕನ್ನಡ ಪ್ರಭ’ ಪತ್ರಿಕೆಯನ್ನು ಖರೀದಿಸಿದರೆ ನಿಮಗೆ ಉಚಿತವಾಗಿ ಒಂದು ಮ್ಯಾಗಝಿನ್ ಸಹ ಸಿಗಲಿದೆ.

ಇದು ಕನ್ನಡ ಪತ್ರಿಕೋದ್ಯಮದಲ್ಲಿಯೇ ಹೊಸ ಪ್ರಯೋಗ !

ಇಷ್ಟು ದಿನ ಬರುತ್ತಿದ್ದ ಆರು ಪುಟಗಳ’ಸಾಪ್ತಾಹಿಕ ಪ್ರಭ’ ಇನ್ನು ಮುಂದೆ ಮೂವತ್ತೆರಡು ಪುಟಗಳಲ್ಲಿ ಮ್ಯಾಗಝಿನ್ ರೂಪದಲ್ಲಿ ಬರಲಿದೆ.

ಇಂದೇ ಬುಕ್ ಮಾಡಿ ಎಂದು ನಿಮಗೆ ಹೇಳುವುದಿಲ್ಲ. ಯಾಕೆಂದರೆ ನಿಮ್ಮ ಭಾನುವಾರದ ಓದಿನ ‘ಖುಷಿ’ಯನ್ನು ನಾವೇ ಬುಕ್ ಮಾಡಿದ್ದೇವೆ. ಅಂದ ಹಾಗೆ ಇನ್ನು ಮುಂದೆ ಸಾಪ್ತಾಹಿಕ ಬುಕ್ ರೂಪದಲ್ಲಿ ಬರಲಿದೆ.