ಡಿಜಿಟಲ್ ಅರೆಸ್ಟ್: ಏಳು ತಿಂಗಳ ಕಾಲ ಪೀಡಿಸಿ ಮಂಗಳೂರಿನ ವೃದ್ಧೆಗೆ 3.9 ಕೋಟಿ ರೂ ವಂಚನೆ

ಮಂಗಳೂರು: ಅಂಚೆ ಕಚೇರಿಯ ಉದ್ಯೋಗಿಗಳಂತೆ ನಟಿಸಿ 'MDMA ಹೊಂದಿರುವ ಪಾರ್ಸೆಲ್ ಕಳುಹಿಸಿದ್ದಕ್ಕಾಗಿ' 'ಡಿಜಿಟಲ್ ಅರೆಸ್ಟ್ ಗೆ ಒಳಗಾಗಿದ್ದೀರಿ ಎಂದು ವಂಚಕರು ನಡೆಸಿದ ಸೈಬರ್ ಹಗರಣದಲ್ಲಿ ವೃದ್ಧ ಮಹಿಳೆಯೊಬ್ಬರು 3.9 ಕೋಟಿ ರೂಪಾಯಿ ಕಳೆದುಕೊಂಡಿದ್ದಾರೆ..

ಸಂತ್ರಸ್ತೆಯ ಹೆಸರನ್ನು ತೆರವುಗೊಳಿಸಲು 'ನಿರಾಕ್ಷೇಪಣಾ ಪ್ರಮಾಣಪತ್ರ' ಪಡೆಯಲು ಹಣವನ್ನು ವರ್ಗಾಯಿಸುವಂತೆ 7 ತಿಂಗಳಿಗೂ ಹೆಚ್ಚು ಕಾಲ ಪೀಡಿಸಿದ್ದರು.

ನಡೆದ ಘಟನೆಯೇನು?

ಕಳೆದ ಜನವರಿ 15 ರಂದು ಕೆಲಸದಿಂದ ನಿವೃತ್ತಿ ಹೊಂದಿದ ಸಂತ್ರಸ್ತೆ ಲೆನಿ ಪ್ರಭು ಅವರಿಗೆ ಅಪರಿಚಿತ ಸಂಖ್ಯೆಯಿಂದ ಮಿಸ್ಡ್ ಕಾಲ್ ಬಂದು ಈ ದುರಂತ ನಡೆದುಹೋಯಿತು. ಅವರು ಮತ್ತೆ ಕರೆ ಮಾಡಿದಾಗ, ಜನರಲ್ ಪೋಸ್ಟ್ ಆಫೀಸ್‌ನಲ್ಲಿ ಉದ್ಯೋಗಿ ಎಂದು ಹೇಳಿಕೊಂಡ ಮಹಿಳೆ, ಸಂತ್ರಸ್ತೆ ಚೀನಾಕ್ಕೆ ಕಳುಹಿಸಿದ್ದ 150 ಗ್ರಾಂ ಎಂಡಿಎಂಎ ಮಾದಕ ದ್ರವ್ಯಗಳನ್ನು ಹೊಂದಿರುವ ಪಾರ್ಸೆಲ್ ನ್ನು ಹಿಂತಿರುಗಿಸಲಾಗಿದೆ.

ಈ ಅಪರಾಧವು 75 ವರ್ಷ ಅಥವಾ ಅದಕ್ಕಿಂತ ಹೆಚ್ಚಿನ ಜೈಲು ಶಿಕ್ಷೆಯನ್ನು ಹೊಂದಿದೆ ಎಂದು ಸಂತ್ರಸ್ತೆಗೆ ಎಚ್ಚರಿಕೆ ನೀಡಿದರು. ಸಂತ್ರಸ್ತೆ ತಾನು ಯಾವುದೇ ಪಾರ್ಸೆಲ್ ಕಳುಹಿಸಿಲ್ಲ ಎಂದು ಹೇಳಿಕೊಂಡಾಗ, ವಂಚಕ ತನ್ನ ಗುರುತಿನ ಚೀಟಿ ಬಳಸಿ ಪಾರ್ಸೆಲ್ ತನ್ನ ಹೆಸರಿಗೆ ಕಳುಹಿಸಲಾಗಿದೆ ಎಂದು ನಂಬಿಸಿದ್ದರು.

ವಂಚಕ, ಸಂತ್ರಸ್ತೆಗೆ ಸಹಾಯ ಮಾಡುವುದಾಗಿ ಮನವರಿಕೆ ಮಾಡಿ, ಸಂತ್ರಸ್ತೆಯ ವೈಯಕ್ತಿಕ ವಿವರಗಳನ್ನು ಸಂಗ್ರಹಿಸಿದನು. ನಂತರ ವಂಚಕ, ನಿರಾಕ್ಷೇಪಣಾ ಪ್ರಮಾಣಪತ್ರವನ್ನು ಪಡೆಯಲು ತನ್ನ ಪಿಂಚಣಿಯ ಶೇಕಡಾ 93 ಭಾಗ ಪಾವತಿಸುವಂತೆ ಕೇಳಿದನು. ವಂಚಕರು ಸಂತ್ರಸ್ತೆಯೊಂದಿಗೆ ನಿರಂತರ ಸಂಪರ್ಕದಲ್ಲಿದ್ದು, ಈ ವಿಷಯವನ್ನು ಯಾರೊಂದಿಗೂ ಚರ್ಚಿಸದಂತೆ ಎಚ್ಚರಿಸಿದರು ಮತ್ತು ಮಾನಸಿಕವಾಗಿ ಕುಶಲತೆಯಿಂದ ವರ್ತಿಸಿದರು.

ವಂಚಕ ಎರಡು ದಿನಗಳ ನಂತರ ಮಂಗಳೂರಿಗೆ ಬಂದು, ಆರ್‌ಟಿಜಿಎಸ್ ಮೂಲಕ 55 ಲಕ್ಷ ರೂಪಾಯಿಗಳನ್ನು ವಂಚಕರ ವಿವಿಧ ಬ್ಯಾಂಕ್ ಖಾತೆಗಳಿಗೆ ವರ್ಗಾಯಿಸಿಕೊಂಡನು. ಜನವರಿ 17 ರಿಂದ ಜುಲೈ 4 ರವರೆಗೆ, ಮಹಿಳೆಯಿಂದ 3.9 ಕೋಟಿ ರೂಪಾಯಿ ಹಣವನ್ನು ಹಲವು ಬಾರಿ ವರ್ಗಾಯಿಸಿಕೊಂಡರು.

ನಂತರ ಕೆಲ ದಿನಗಳು ಕಳೆದ ನಂತರ ವಂಚಕರಿಂದ ಮಹಿಳೆಗೆ ಯಾವುದೇ ಪ್ರತಿಕ್ರಿಯೆ ಬಾರದ ನಂತರ ಮತ್ತು ತಾನು ವಂಚನೆಗೊಳಗಾಗಿದ್ದೇನೆ ಎಂದು ಅರಿತುಕೊಂಡ ನಂತರವೇ ವಂಚನೆ ಬೆಳಕಿಗೆ ಬಂದಿತು, ಸಂತ್ರಸ್ತೆ ಸಿಇಎನ್ ಪೊಲೀಸರಿಗೆ ದೂರು ನೀಡಿದ್ದಾರೆ.