ಸಿಎಂ ಬೊಮ್ಮಾಯಿ ಕ್ಷೇತ್ರ ಶಿಗ್ಗಾಂವಿಯಲ್ಲಿ ರಸ್ತೆ, ಆರೋಗ್ಯ ಸೇರಿ ಮೂಲಸೌಕರ್ಯಗಳ ಕೊರತೆ

ಶಿಗ್ಗಾಂವಿ: ಶಿಗ್ಗಾಂವಿಯ ಸವಣೂರು-ಶಿಗ್ಗಾಂವಿ ಮುಖ್ಯ ರಸ್ತೆಯಲ್ಲಿರುವ ಕರ್ನಾಟಕದ ನೂತನ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಅವರ ಬಂಗಲೆಯ ಹೊರಗೆ ಹೆಜ್ಜೆ ಹಾಕುತ್ತಿದ್ದಂತೆ, ಧೂಳು ಮತ್ತು ಕಳಪೆ ನಿರ್ವಹಣೆಯ ರಸ್ತೆಗಳು ನಿಮ್ಮನ್ನು ಸ್ವಾಗತಿಸುತ್ತವೆ. 

ತಮ್ಮ ನೆಚ್ಚಿನ ನಾಯಕನನ್ನು ರಾಜ್ಯದ ಮುಖ್ಯಮಂತ್ರಿಯಾಗಿ ಆಯ್ಕೆ ಮಾಡಿರುವುದಕ್ಕೆ ಜನರಿಗೆ ಸಂತೋಷವಾಗಿದೆ ನಿಜ. ಆದರೆ ಅವರು ಹಲವು ಮೂಲಕಸೌಕರ್ಯಗಳ ಕೊರತೆ ಎದುರಿಸುತ್ತಿರುವುದು ಬೇಸರದ ವಿಚಾರ.

ಹಾವೇರಿ ಜಿಲ್ಲೆಯ ಶಿಗ್ಗಾಂವಿ-ಸವಣೂರು ಕ್ಷೇತ್ರವನ್ನು ಬಸವರಾಜ ಬೊಮ್ಮಾಯಿ ಪ್ರತಿನಿಧಿಸುತ್ತಿರುವುದು ಇದು ಮೂರನೇ ಬಾರಿ. ಪಟ್ಟಣಕ್ಕೆ ಉತ್ತಮ ರಸ್ತೆಗಳು, ಬೆಳಕು ಮತ್ತು ಸುತ್ತಮುತ್ತಲಿನ ನೂರಾರು ಹಳ್ಳಿಗಳಿಗೆ ಉತ್ತಮ ಆರೋಗ್ಯ ವ್ಯವಸ್ಥೆಯ ಅವಶ್ಯಕತೆ ಇದೆ. ಪ್ರತಿ ಪ್ರಮುಖ ಆರೋಗ್ಯ ಅಗತ್ಯಗಳಿಗಾಗಿ ರೋಗಿಗಳು ಹುಬ್ಬಳ್ಳಿಯ ಕಿಮ್ಸ್ ಆಸ್ಪತ್ರೆಗೆ ತೆರಳಬೇಕು. ಆರೋಗ್ಯ ಮೂಲಸೌಕರ್ಯದ ಜೊತೆಗೆ, ಶಿಗ್ಗಾಂವಿ ಮತ್ತು ಸವಣೂರಿನ 417 ಗ್ರಾಮಗಳಿಗೆ ಸಂಪರ್ಕ ಮತ್ತು ಉತ್ತಮ ಸಾರಿಗೆ ವ್ಯವಸ್ಥೆಯ ಅಗತ್ಯವಿದೆ. 

ಆದರೆ ಜನರು ತಮ್ಮ ಕುಡಿಯುವ ನೀರಿನ ಸಮಸ್ಯೆಗಳನ್ನು ಪರಿಹರಿಸಲು ಸಹಾಯ ಮಾಡಿದ ಬೊಮ್ಮಾಯಿ ಅವರ ಕೊಡುಗೆಗಳನ್ನು ಸಹ ನೆನಪಿಸಿಕೊಳ್ಳುತ್ತಾರೆ. ಹಲವಾರು ವರ್ಷಗಳಿಂದ ಸವಣೂರು ಮತ್ತು ಶಿಗ್ಗಾಂವಿ ವಿಶೇಷವಾಗಿ ಬೇಸಿಗೆಯ ತಿಂಗಳುಗಳಲ್ಲಿ ಕುಡಿಯುವ ನೀರಿನ ಸಮಸ್ಯೆ ಎದುರಿಸುತ್ತಿದ್ದರು. ಕುಡಿಯುವ ನೀರು ಕೊಟ್ಟ ಬೊಮ್ಮಾಯಿಯ ಪ್ರಯತ್ನಕ್ಕೆ ಧನ್ಯವಾದಗಳು, ಕಳೆದ ಮೂರು ವರ್ಷಗಳಿಂದ ಬೇಸಿಗೆ ದಿನಗಳಲ್ಲಿ ಇಲ್ಲಿನ ಜನರಿಗೆ ಕುಡಿಯುವ ನೀರಿಗೆ ಅಷ್ಟೊಂದು ಕಷ್ಟಕರವಾಗಿರಲಿಲ್ಲ. ಇದು ಈ ಕಾಲುವೆಗಳ ಉದ್ದಕ್ಕೂ ವಾಸಿಸುವ ಹೆಚ್ಚಿನ ಸಂಖ್ಯೆಯ ರೈತರಿಗೆ ಸಹಾಯ ಮಾಡಿದೆ.

2013 ರಲ್ಲಿಯೇ ಬೊಮ್ಮಾಯಿ ನಾಗನೂರು ಮತ್ತು ಗಂಗೀಭಾವಿ ನಡುವಿನ ಕುಡಿಯುವ ನೀರಿನ ಕಾಲುವೆಯನ್ನು ಪೂರ್ಣಗೊಳಿಸುವುದ್ದರು ಎಂದು ಶಿಗ್ಗಾಂವಿ ನಿವಾಸಿ ಪುಟ್ಟನಗೌಡ ಪಾಟೀಲ್ ಹೇಳಿದ್ದಾರೆ. 

ಈ ಎರಡು ಪಟ್ಟಣಗಳು ​​ಮತ್ತು ಹಳ್ಳಿಗಳಲ್ಲಿ 3.5 ಲಕ್ಷ ಜನರಿದ್ದಾರೆ, ಅವರು ವೈದ್ಯಕೀಯ ಸೌಲಭ್ಯಗಳು ಮತ್ತು ಪ್ರಯಾಣಕ್ಕೆ ಉತ್ತಮ ರಸ್ತೆಗಳಿಲ್ಲ. ಉತ್ತಮ ರಸ್ತೆಗಳಿದ್ದರೆ ರೈತರು ತಮ್ಮ ಕೃಷಿ ಉತ್ಪನ್ನಗಳನ್ನು ಹಾವೇರಿ, ಬ್ಯಾಡಗಿ ಮತ್ತು ರಾಣೆಬೆನ್ನೂರಿನ ಮಾರುಕಟ್ಟೆಗಳಿಗೆ ಕೊಂಡೊಯ್ಯಲು ಸಹಾಯ ಮಾಡುತ್ತದೆ, ”ಎಂದು ಅವರು ಹೇಳಿದರು.

"ಈಗ ಬೊಮ್ಮಾಯಿ ಅವರು ಶಿಗ್ಗಾಂವಿಯನ್ನು ಅನ್ನು ಒಂದು ಮಾದರಿ ಕ್ಷೇತ್ರವನ್ನಾಗಿ ಮಾಡುವುದಾಗಿ ಭರವಸೆ ನೀಡಿದ್ದಾರೆ, ನಾವು ಸ್ವಲ್ಪ ಅಭಿವೃದ್ಧಿ ಕಾಣುವ ನಿರೀಕ್ಷೆಯಲ್ಲಿದ್ದೇವೆ. ಶಿಂಗ್ಗಾಂವಿಗೆ ವೈದ್ಯಕೀಯ ಕಾಲೇಜು ಬೇಕು ಎಂಬ ಬಹುದಿನಗಳ ಬೇಡಿಕೆಯಿದೆ ಎಂದು ಶಿಗ್ಗಾಂವಿ ಉದ್ಯಮಿ ಶಿವಪ್ಪ ಚಿಕ್ಕಣ್ಣವರ್ ಹೇಳಿದ್ದಾರೆ.