ವಿಚಿತ್ರ ಕಾಯಿಲೆಯಿಂದ ಬಳಲುತ್ತಿರುವ ಅಭಿಮಾನಿ ಆಸೆ ಈಡೇರಿಸಿದ ಪುನೀತ್ ರಾಜ್ ಕುಮಾರ್

ಬೆಂಗಳೂರು: ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಅವರು ವಿಚಿತ್ರ ಕಾಯಿಲೆಯಿಂದ ಬಳಲುತ್ತಿರುವ ವಿಶೇಷ ಅಭಿಮಾನಿಗೆ ತಮ್ಮನ್ನ ಬೇಟಿಮಾಡುವ ಅವಕಾಶ ನೀಡಿ ಆತನ ಆಸೆ ಈಡೇರಿಸಿದ್ದಾರೆ. ಅಲ್ಲದೆ ಆತನಿಗೆ ಸೂಕ್ತ ಚಿಕಿತ್ಸೆ ಕೊಡಿಸುವ ಭರವಸೆವನ್ನೆ ನೀಡಿದ್ದಾರೆ.

ಹೊಸಪೇಟೆ ನಗರದ ಆದರ್ಶ ಎನ್ನುವ 18ವರ್ಷದ ಈ ಯುವಕ ಹುಟ್ಟಿದಾಗಿನಿಂದ ಮಾಂಸ ಕಂಡಗಳ ಬೆಳವಣಿಗೆ ಇಲ್ಲದೆ ಆನಾರೋಗ್ಯಕ್ಕೆ ಒಳಗಾಗಿದ್ದ. ಇನ್ನು ಆದರ್ಶನ ತಂದೆ ತಾಯಿಗಳು ಈತನಿಗೆ ಚಿಕಿತ್ಸೆಕೊಡಿಸಲು ಪಟ್ಟ ಕಷ್ಟ ಬೆಟ್ಟದಷ್ಟು. ಆಟೋ ಚಾಲಕನಾಗಿರುವ ಆದರ್ಶನ ತಂದೆ ಹನುಮಂತ, ಇತ್ತೀಚೆಗೆ ಆಸ್ಪತ್ರೆಗೆ ಹಣ ಇಲ್ಲದೆ ಕೈಚಲ್ಲಿ ಕುಳಿತಿದ್ದ. ಇನ್ನು ಈ ಆದರ್ಶನಿಗೆ ಇರುವ ವಿಚಿತ್ರ ಕಾಯಿಲೆ ಮತ್ತು ಆತನಲ್ಲಿರುವ ಪುನಿತ್ ಮೇಲಿನ ಅಭಿಮಾನದ ಕುರಿತು ಮಾಧ್ಯಮದಲ್ಲಿ ಸುದ್ದಿ ಪ್ರಸಾರವಾಗಿತ್ತು, ಸುದ್ದಿ ತಿಳಿದ ಪುನೀತ್ ರಾಜ್ ಕುಮಾರ್, ಬೆಂಗಳೂರಿನ ತಮ್ಮ ನಿವಾಸಕ್ಕೆ ಕರೆಯಿಸಿಕೊಂಡು ಯೋಗಕ್ಷೇಮ ವಿಚಾರಿಸಿ ಅವರಿಗೆ ಚಿಕಿತ್ಸೆ ಕೊಡಿಸುವ ಭರವಸೆ‌ನೀಡಿದ್ದಾರೆ.

ದೇಹದಲ್ಲಿ ಆನಾರೋಗ್ಯ ಇದ್ದರೂ ಪುನೀತ್ ಪಿಲ್ಮ್ ಎಂದ್ರೆ ಎಲ್ಲಿಲ್ಲದ ಪ್ರಾಣ ಈ ಆದರ್ಶನಿಗೆ. ಪುನೀತ್ ಚಿತ್ರ ಬಿಡುಗಡೆ ಗೊಂಡ್ರೆ ತಂದೆ ಸಹಾಯದಿಂದ ಚಿತ್ರಂಮದಿರಕ್ಕೆ ಹೋಗಿ ಸಿನಿಮಾ ನೋಡುತಿದ್ದ. ಇಂತಾ ವಿಶೇಷ ಅಭಿಮಾನಿ ಕಾಯಲೆ ಗುಣಪಡಿಸಲು ಬೇಕಾದ ಖರ್ಚು ಬರಿಸಲು ಮುಂದಾಗಿರುವ ಪುನೀತ್, ಸ್ಪರ್ಶ ಆಸ್ಪತ್ರೆಯ ವೈದ್ಯರಿಗೆ ಈ ಕಾಯಿಲೆ ಗುಣಪಡಿಸುವ ಹೊಣೆ ನೀಡಿದ್ದಾರೆ. ವೈದ್ಯಕೀಯ ಪರೀಕ್ಷೆಗೆ ಒಳಪಡಿಸಿರುವ ವೈದ್ಯರು ಇನ್ನೆರಡು ದಿನಗಳಲ್ಲಿ ರೋಗ ಲಕ್ಷಣಗಳನ್ನ ಗುರುತಿಸಿ ಚಿಕಿತ್ಸೆಗೆ ಸಿದ್ದತೆ ಮಾಡಿಕೊಳ್ಳಲಿದ್ದಾರಂತೆ.