ಗಂಗಾ ಪೂಜೆ ವೇಳೆ ಕೊಡವರಲ್ಲಿ ಮದ್ಯ ಸೇವನೆಗೆ ಅಮ್ಮತಿ ಕೊಡವ ಸಮಾಜ ನಿಷೇಧ
ಕೊಡವ ಮದುವೆ ಸಮಯದಲ್ಲಿ ಗಂಗಾ ಪೂಜೆ ವೇಳೆ ಮದ್ಯ ಪೂರೈಕೆಗೆ ನಿಷೇಧ ಹೇರಲು ಅಮ್ಮತಿ ಕೊಡವ ...
Published On :
ಮಡಿಕೇರಿ: ಕೊಡವ ಮದುವೆ ಸಮಯದಲ್ಲಿ ಗಂಗಾ ಪೂಜೆ ವೇಳೆ ಮದ್ಯ ಪೂರೈಕೆಗೆ ನಿಷೇಧ ಹೇರಲು ಅಮ್ಮತಿ ಕೊಡವ ಸಮಾಜ ನಿರ್ಧರಿಸಿದೆ. ಈ ನಿಯಮವನ್ನು ಮುರಿದವರು 25 ಸಾವಿರ ರೂಪಾಯಿ ದಂಡ ಕಟ್ಟಬೇಕು. ಕೊಡವ ಸಮಾಜದ ವಾರ್ಷಿಕ ಸಭೆಯಲ್ಲಿ ಈ ನಿರ್ಧಾರ ತೆಗೆದುಕೊಳ್ಳಲಾಗಿದ್ದು ಬಹುತೇಕ ಮಂದಿ ನಿರ್ಧಾರವನ್ನು ಸ್ವಾಗತಿಸಿದ್ದಾರೆ.
ಕೊಡವ ಮದುವೆಗಳಲ್ಲಿ ಗಂಗಾ ಪೂಜೆ ಸಂದರ್ಭದಲ್ಲಿ ಸಾಂಪ್ರದಾಯಿಕ ಕೊಡವ ನೃತ್ಯ ನೋಡುವುದೇ ಸೊಗಸು. ಇಂದಿನ ಕೊಡವ ಮದುವೆಗಳ ಶಾಸ್ತ್ರಗಳು ಸುಮಾರು 5 ಗಂಟೆ ನಡೆಯುತ್ತದೆ. ಮದುವೆಯಲ್ಲಿ ಗಂಗಾ ಪೂಜೆ ಮುಗಿದು ವಧು ಕಾವೇರಿ ಮಾತೆಗೆ ಅಕ್ಕಿ ಸಲ್ಲಿಸುವವರೆಗೆ ಮದ್ಯ ಪೂರೈಕೆಯನ್ನು ತಡೆಯಲಾಗುತ್ತದೆ. ಈ ನಿಯಮ ಮುರಿದವರಿಗೆ 25 ಸಾವಿರ ರೂಪಾಯಿ ದಂಡ ವಿಧಿಸಲಾಗುವುದು ಎಂದು ಅಮ್ಮತಿ ಕೊಡವ ಸಮಾಜದ ಅಧ್ಯಕ್ಷ ಎಂ ಬೊಸೆ ದೇವಯ್ಯ ತಿಳಿಸಿದರು.
ಈ ಹಿಂದೆ ಗಂಗಾ ಪೂಜೆ ಅವಧಿ ಮೀರಿ ನಡೆಸಿದ್ದಕ್ಕೆ 5 ಸಾವಿರ ರೂಪಾಯಿ ದಂಡ ವಿಧಿಸಲಾಗಿತ್ತು. ಆದರೆ ಕೊಡವರು ಈ ದಂಡ ಕಟ್ಟಿ ನೃತ್ಯ ಮಾಡುವುದನ್ನು ಮುಂದುವರಿಸಿದ್ದರು. ಆದರೆ ಕೊಡವರ ಮೂಲ ಸಂಸ್ಕೃತಿಯನ್ನು ಉಳಿಸಲು ನಾವು ಈ ನಿರ್ಧಾರ ತೆಗೆದುಕೊಂಡಿದ್ದೇವೆ ಎಂದರು.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.