'ಐ ಸ್ಟ್ಯಾಂಡ್ ವಿತ್ ಪಾಕಿಸ್ತಾನ್ ಆರ್ಮಿ' ಫೇಸ್ ಬುಕ್ ಪೋಸ್ಟ್: ಪ್ರತ್ಯೇಕ ಪ್ರಕರಣಗಳಲ್ಲಿ 3 ಯುವಕರ ಬಂಧನ
’ಐ ಸ್ಟ್ಯಾಂಡ್ ವಿತ್ ಪಾಕಿಸ್ತಾನ್’ ಎಂದು ಪಾಕಿಸ್ತಾನದ ಪರವಾಗಿ ಫೇಸ್ ಬುಕ್ ಪೋಸ್ಟ್ ಹಾಕಿದ್ದ ಮೂವರು ಯುವಕರನ್ನು ಗದಗ, ಯಾದಗಿರಿ ಜಿಲ್ಲಾ ಪೋಲೀಸರು ಬಂಧಿಸಿದ್ದಾರೆ.
Published On :
ಗದಗ/ಯಾದಗಿರಿ: ’ಐ ಸ್ಟ್ಯಾಂಡ್ ವಿತ್ ಪಾಕಿಸ್ತಾನ್’ ಎಂದು ಪಾಕಿಸ್ತಾನದ ಪರವಾಗಿ ಫೇಸ್ ಬುಕ್ ಪೋಸ್ಟ್ ಹಾಕಿದ್ದ ಮೂವರು ಯುವಕರನ್ನು ಗದಗ, ಯಾದಗಿರಿ ಜಿಲ್ಲಾ ಪೋಲೀಸರು ಬಂಧಿಸಿದ್ದಾರೆ.
ಗದಗ ಜಿಲ್ಲೆ ಮುಳಗುಂದ ಪಟ್ಟಣದ ಭಾಷೆಸಾಬ್ ಕಲ್ಕುಟ್ರ ಹಾಗೂ ಸಮೀರ್ ಸಯೀದ್ ಬಡೆ ಎನ್ನುವ ಇಬ್ಬರು ಯುವಕರನ್ನು ಮುಳಗುಂದ ಪೋಲೀಸರು ಬಂಧಿಸಿದ್ದಾರೆ. ಇನ್ನೊಂದೆಡೆ ಬುರಾನ್ ಬಡಿಗೇರ ಎಂಬಾತನನ್ನು ಯಾದಗಿರಿ ಜಿಲ್ಲಾ ಪೋಲೀಸರು ವಶಕ್ಕೆ ಪಡೆದಿದ್ದಾರೆ.
ಮುಳಗುಂದ ಪಟ್ಟಣದ ನಿವಾಸಿಗಳಾದ ಇಬ್ಬರೂ ಯುವಕರು ತಮ್ಮ ಫೇಸ್ ಬುಕ್ ಪೋಸ್ಟ್ ನಲ್ಲಿ ದೇಶದ್ರೋಹದ ಪೋಸ್ಟ್ ಹಾಕಿಕೊಂಡಿದ್ದು ಎರಡು ದಿನಗಳ ಹಿಂದೆ ನಗರದ ಕೆಲ ಯುವಕರು ಈ ಸಂಬಂಧ ಪೋಲೀಸ್ ಠಾನೆಗೆ ದೂರು ಸಲ್ಲಿಸಿದ್ದಾರೆ. ಅಲ್ಲದೆ ದೇಶದ್ರೋಹವೆಸಗಿದವರನ್ನು ಹಿಡಿದು ಕ್ರಮ ಜರುಗಿಸಿ ಎಂದು ಪೊಲೀಸ್ ಠಾಣೆ ಎದುರು ಪ್ರತಿಭಟನೆ ಸಹ ನಡೆಸಿದ್ದಾರೆ. ಇದರಿಂದ ಪ್ರಕರಣ ಗಂಭೀರತೆ ಅರಿತ ಪೋಲೀಸರು ಇಂದು ಇಬ್ಬರೂ ಯುವಕರನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
ಇನ್ನು ಯಾದಗಿರಿ ಜಿಲ್ಲೆ ಶಹಾಪುರ ತಾಲೂಕಿನ ಯುವಕ ಬುರಾನ್ ಸಹ ಫೇಸ್ ಬುಕ್ ನಲ್ಲಿ ಇಂತಹದೇ ದೇಶ ವಿರೋಧಿ ಪೊಸ್ಟ್ ಹಾಕಿಕೊಂಡಿದ್ದ ಕಾರಣ ಸಾರ್ವಜನಿಕರು ಆಕ್ರೋಶ ವ್ಯಕ್ತಪಡಿಸಿದ್ದರು.ಆ ಪೋಸ್ಟ್ ವೈರಲ್ ಆಗಿದ್ದು ಶಹಾಪುರದ ಭೀಮರಾಯನಗುಡಿ ಪೊಲೀಸರು ದೇಶದ್ರೋಹದ ಪ್ರಕರಣದಡಿಯಲ್ಲಿ ಯುವಕನನ್ನು ಬಂಧಿಸಿದ್ದಾರೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.