2 ದಶಕಗಳ ನಂತರ ಮೈಸೂರು ಮೃಗಾಲಯದಲ್ಲಿ ದೇಶಿ ತಳಿ ಸಿಂಹ
ದೇಶದಲ್ಲಿಯೇ ಅತಿದೊಡ್ಡ ಮೃಗಾಲಯಗಳಲ್ಲಿ ಒಂದಾಗಿರುವ ಮೈಸೂರು...
Published On :
ಬೆಂಗಳೂರು: ದೇಶದಲ್ಲಿಯೇ ಅತಿದೊಡ್ಡ ಮೃಗಾಲಯಗಳಲ್ಲಿ ಒಂದಾಗಿರುವ ಮೈಸೂರು ಮೃಗಾಲಯದಲ್ಲಿ ಅನೇಕ ಪ್ರಬೇಧದ ಪ್ರಾಣಿಗಳಿದ್ದರೂ ಕೂಡ ಕಳೆದ 20 ವರ್ಷಗಳಿಂದ ಇಲ್ಲಿ ಶುದ್ಧ ಏಷ್ಯಾ ಸಿಂಹದ ತಳಿಯಿರಲಿಲ್ಲ.
ಇಲ್ಲಿ 3 ಸಿಂಹಿಣಿಗಳು ಮತ್ತು ಒಂದು ಸಿಂಹವಿದ್ದರೂ ಕೂಡ ಎಲ್ಲವೂ ಆಫ್ರೋ-ಏಷ್ಯಾಟಿಕ್ ಸಿಂಹ ತಳಿಗಳಾಗಿದ್ದು ದೇಶಿ ತಳಿ ಇಲ್ಲದಿದ್ದದ್ದು ಇಲ್ಲಿನ ಅಧಿಕಾರಿಗಳಿಗೆ ಕೊರತೆಯೆನಿಸುತ್ತಿತ್ತು. ಕೊನೆಗೂ ಈ ಆಸೆ ನೆರವೇರಿದ್ದು ಮೊನ್ನೆ ಸೋಮವಾರ ಶೌರ್ಯ ಎನ್ನುವ ಹೊಸ ದೇಶಿ ತಳಿ ಸಿಂಹ ಮೈಸೂರು ಮೃಗಾಲಯವನ್ನು ಸೇರಿದೆ.
ಗುಜರಾತ್ ನ ರಾಜ್ ಕೋಟ್ ನಿಂದ 3 ವರ್ಷದ ಏಷ್ಯಾ ತಳಿಯ ಸಿಂಹವನ್ನು ಇಲ್ಲಿಗೆ ತರಲಾಗಿದೆ. ಮೃಗಾಲಯಕ್ಕೆ ಭೇಟಿ ನೀಡುವ ಜನರಿಗೆ ಪ್ರದರ್ಶನಕ್ಕೆ ಇಡುವ ಮುನ್ನ 10 ದಿನಗಳ ಕಾಲ ಇಲ್ಲಿನ ಅಧಿಕಾರಿಗಳ ವೀಕ್ಷಣೆಯಲ್ಲಿರುತ್ತದೆ.
ನಿಗಾ ಸಮಯದಲ್ಲಿ ಸಿಂಹದ ಚಲನ-ವಲನ ಮತ್ತು ಆಹಾರದ ಬಗ್ಗೆ ದಿನವಿಡೀ ವೈಫೈ ಕ್ಯಾಮರಾ ಮೂಲಕ ವೀಕ್ಷಣೆ ಮಾಡಲಾಗುತ್ತಿರುತ್ತದೆ. ಪ್ರಾಣಿ ಸಾಕಣೆದಾರರು, ಮೇಲುಸ್ತುವಾರಿ ಹೊಂದಿರುವವರು, ಅರಣ್ಯಾಧಿಕಾರಿಗಳು, ಪಶುವೈದ್ಯರು ಮತ್ತು ಕಾರ್ಯಕಾರಿ ನಿರ್ದೇಶಕರನ್ನು ಮಾತ್ರ ಸಿಂಹದ ವೀಕ್ಷಣೆಗೆ ಬಿಡಲಾಗುತ್ತಿದೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.