ಮೈಸೂರಿನ ವಿಪ್ರೋ ಘಟಕ ಸ್ಥಗಿತ
ಮೈಸೂರಿನ ವಿಪ್ರೋ ಘಟಕ ಸ್ಥಗಿತಗೊಂಡಿದ್ದು, ಹೂಟಗಳ್ಳಿಯಲ್ಲಿರುವ ವಿಪ್ರೋ ಗ್ರಾಹಕರ ಸೇವೆ ಮತ್ತು ಲೈಟಿಂಗ್ ನ 150 ಖಾಯಂ ಹಾಗೂ ಗುತ್ತಿಗೆ ನೌಕರರು ಕೆಲಸ ಕಳೆದುಕೊಂಡಿದ್ದಾರೆ.
Published On :
ಮೈಸೂರು: ಮೈಸೂರಿನ ವಿಪ್ರೋ ಘಟಕ ಸ್ಥಗಿತಗೊಂಡಿದ್ದು, ಹೂಟಗಳ್ಳಿಯಲ್ಲಿರುವ ವಿಪ್ರೋ ಗ್ರಾಹಕರ ಸೇವೆ ಮತ್ತು ಲೈಟಿಂಗ್ ನ 150 ಖಾಯಂ ಹಾಗೂ ಗುತ್ತಿಗೆ ನೌಕರರು ಕೆಲಸ ಕಳೆದುಕೊಂಡಿದ್ದಾರೆ.
ಯಾವುದೇ ನೋಟಿಸ್ ಜಾರಿ ಮಾಡದೇ, ಏಕಾಏಕಿ ಸಂಸ್ಥೆಯನ್ನು ಮುಚ್ಚಿರುವುದರಿಂದ 84 ಖಾಯಂ ನೌಕರರು ಹಾಗೂ 66 ಗುತ್ತಿಗೆ ಆಧಾರಿತ ನೌಕರರಿಗೆ ಆಘಾತವಾಗಿದ್ದಾರೆ.ಆರ್ಥಿಕ ಹಾಗೂ ಉದ್ಯಮದ ದೃಷ್ಟಿಯಿಂದ ಮೈಸೂರು ಘಟಕದ ವಿಪ್ರೋ ಗ್ರಾಹಕ ಸೇವೆ ಮತ್ತು ಲೈಟಿಂಗ್ ಕಾರ್ಯನಿರ್ವಹಣೆ ಅಸಾಧ್ಯವಾಗಿದೆ ಎಂದು ನೋಟಿಸ್ ಬೋರ್ಡ್ ನಲ್ಲಿ ಪ್ರಕಟಿಸಿರುವ ಸುತ್ತೋಲೆ ತಿಳಿಸಿದೆ.
ಎಲ್ ಇಡಿ ಬಲ್ಬ್ ಗಳು ಬಂದ ನಂತರ ಸಿಎಫ್ಎಲ್ ಬಲ್ಬ್ ಗಳಿಗೆ ಬೇಡಿಕೆ ಕಡಿಮೆಯಾಗಿರುವುದರ ಪರಿಣಾಮವಾಗಿ ಸಂಸ್ಥೆಗೆ ಹೊಡೆತ ಬಿದ್ದಿದ್ದು, ವಿಪ್ರೋ ಗ್ರಾಹಕ ಸೇವೆ ಮತ್ತು ಲೈಟಿಂಗ್ ಕಾರ್ಯನಿರ್ವಹಣೆ ಅಸಾಧ್ಯವಾಗಿದೆ ಎಂದು ತಿಳಿದುಬಂದಿದೆ.
ಉದ್ಯಮ ಕುಸಿಯುತ್ತಿದ್ದ ಹಿನ್ನೆಲೆಯಲ್ಲಿ ಸಂಸ್ಥೆ ಒಂದು ವರ್ಷದ ಹಿಂದಿನಿಂದ ನೌಕರರ ಸಂಖ್ಯೆಯನ್ನು ಕಡಿಮೆಗೊಳಿಸುತ್ತಿತ್ತು. ಕಳೆದ ವರ್ಷ 700 ನೌಕರರಿದ್ದ ಸಂಸ್ಥೆಯಲ್ಲಿ ಈಗ 150 ನೌಕರರು ಮಾತ್ರ ಕೆಲಸ ಮಾಡುತ್ತಿದ್ದಾರೆ. ಸಂಸ್ಥೆ ಏಕಾಏಕಿ ಮುಚ್ಚಲ್ಪಟ್ಟಿರುವುದನ್ನು ವಿರೋಧಿಸಿ ನೌಕರರು ಅನಿರ್ದಿಷ್ಟಾವಧಿ ಪ್ರತಿಭಟನೆ ನಡೆಸಲು ಮುಂದಾಗಿದ್ದಾರೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.