ಹೋಂಡುರಾಸ್- ಈಕ್ವೆಡಾರ್ ಕದನ

ಕ್ಯೂರಿಟಿಬಾ: ಲೆಕ್ಕಾಚಾರದಲ್ಲಿ ಇದುವರೆಗೂ ಆಡಿರುವ ಪಂದ್ಯಗಳಲ್ಲಿ ಹೆಚ್ಚೂಕಡಿಮೆ ಸಮಬಲ ಸಾಧಿಸಿರುವ ಹೋಂಡುರಾಸ್ ಮತ್ತು ಈಕ್ವೆಡಾರ್ ತಂಡಗಳು ಶುಕ್ರವಾರ ನಡೆಯಲಿರುವ ಫುಟ್ಬಾಲ್ ವಿಶ್ವಕಪ್ ಪಂದ್ಯದಲ್ಲಿ ಪರಸ್ಪರ ಹೋರಾಟ ನಡೆಸಲಿವೆ.
ಇದುವರೆಗೂ ಉಭಯ ತಂಡಗಳು 13 ಪಂದ್ಯಗಳನ್ನಾಡಿದ್ದು, ಅವೆಲ್ಲವೂ ಸೌಹಾರ್ದ ಪಂದ್ಯಗಳಾಗಿವೆ. ಇದರಲ್ಲಿ 8 ಪಂದ್ಯಗಳು ಡ್ರಾದಲ್ಲಿ ಅಂತ್ಯಗೊಂಡಿವೆ. ಉಳಿದ 5 ಪಂದ್ಯಗಳಲ್ಲಿ ಮೂರರಲ್ಲಿ ಈಕ್ವೆಡಾರ್ ಜಯ ಸಾಧಿಸಿದರೆ, ಎರಡು ಪಂದ್ಯಗಳಲ್ಲಿ ಹೋಂಡುರಾಸ್ ಜಯ ಕಂಡುಕೊಂಡಿದೆ. ಹೀಗಾಗಿ, ಈ ಹಿಂದಿನ ದಾಖಲೆಗಳ ಪ್ರಕಾರ ಈಕ್ವೆಡಾರ್ ಕೊಂಚ ಪ್ರಬಲ ತಂಡವೆನಿಸಿದೆ. ಕಳೆದ ನವೆಂಬರ್‌ನಲ್ಲಿ ಅಮೆರಿಕದಲ್ಲಿ ನಡೆದ ಪಂದ್ಯದಲ್ಲಿ ಉಭಯ ತಂಡಗಳು 2-2 ಗೋಲುಗಳಿಂದ ಡ್ರಾ ಸಾಧಿಸಿದ್ದವು. ಹೀಗಾಗಿ ಉಭಯ ತಂಡಗಳು ಸಮಬಲದ ಶಕ್ತಿಯನ್ನು ಹೊಂದಿವೆ ಎನ್ನುವುದರಲ್ಲಿ ಎರಡು ಮಾತಿಲ್ಲ.
ಆದರೆ ಈ ಪಂದ್ಯದಲ್ಲಿ ಯಾವ ತಂಡ ಮೇಲುಗೈ ಸಾಧಿಸಿಲಿದೆ ಎಂಬ ಕಾತರಲ್ಲಿದ್ದಾರೆ, ದಕ್ಷಿಣ ಆಮೆರಿಕ ದೇಶವಾಗಿರುವ ಈಕ್ವೆಡಾರ್ ಮತ್ತು ಕೇಂದ್ರ ಅಮೆರಿಕ ರಾಷ್ಟ್ರವಾಗಿರುವ ಹೋಂಡುರಾಸ್‌ನ ಅಭಿಮಾನಿಗಳು.
ಈ ಮೊದಲು ಆಡಿದ ಪಂದ್ಯದಲ್ಲಿ ಉಭಯ ತಂಡಗಳು ಸೋಲನುಭವಿಸಿರುವ ಹಿನ್ನೆಲೆಯಲ್ಲಿ ಈ ಪಂದ್ಯದಲ್ಲಿ ಗೆಲ್ಲಲೇಬೇಕಾದ ಸ್ಥಿತಿಯನ್ನು ತಲುಪಿವೆ.
ಈಕ್ವೆಡಾರ್-ಹೋಂಡುರಾಸ್ (ಗುಂಪು-ಇ) ಪಂದ್ಯ ಆರಂಭ: 03.30
26    ರ್ಯಾಂಕ್    33
13    ಪಂದ್ಯ    13
03    ಜಯ    0202    ಸೋಲು    0308    ಡ್ರಾ    0814    ಗೋಲು    13