ದೂರ

ದೂರ
=     ದೂರಲೊಂದು ಕಾರಣ
=     ಕೆಲವು ಸಮಸ್ಯೆ ತಲೆದೋರುವುದು ಇದೇ ಕಾರಣದಿಂದ
=     ದಾರಾ ತುಂಬ ದಿನ ತವರಿನಲ್ಲಿದ್ದರೆ 'ರಾರಾ' ಎನ್ನಲು ಪತಿಗಿರುವ ನೆಪ
=     ಇದೊಂದು ಸಾಪೇಕ್ಷ. ಯಾವ ಆಲಂನೆಯನ್ನಿಟ್ಟು ಹೇಳುತ್ತೆವೆಂಬುದು ಮುಖ್ಯ
=     'ಸ್ವಲ್ಪ ಹತ್ತಿರ' ಎನ್ನುವುದು ತುಂಬಾ ಹತ್ತಿರಕ್ಕಿಂತ ಸ್ವಲ್ಪ ದೂರವೇ
=     ದೂರವೂ ಹತ್ತಿರವೆನಿಸುತ್ತದೆ, ಇಂಟರ್ನೆಟ್ ಸಂಪರ್ಕವಿದ್ದರೆ
=     ಹತ್ತಿರವೂ ದೂರವೆನಿಸುತ್ತದೆ ಸಾರಿಗೆ ಸಂಪರ್ಕವಿಲ್ಲದಿದ್ದರೆ
=     ಪೆಟ್ರೋಲ್ ರೇಟ್ ಜಾಸ್ತಿಯಾದ ಹಾಗೆಲ್ಲ ಪ್ರಪಂಚ ದೂರವೇ ಆಗುತ್ತಿದೆ
=     ವಿಳಂಬಕ್ಕೆ ಕೊಡಬಹುದಾದ ಕುಂಟುನೆಪ
=     ಅಹಮ್ಮಿನ ಕೋಟೆ ಕಟ್ಟಿಕೊಂಡರೆ ಸಂಬಂಧಗಳ ವಿಷಯದಲ್ಲಿ ಆಗುವ ಪರಿಣಾಮ
=     ದುರತ್ಯಯವಾದದ್ದು
=     ಭಕ್ತಿಯಿಲ್ಲದವಗೆ ವೈಕುಂಠ ದೂರ, ಪರಿಣತಿಯಿಲ್ಲದೇ ವಾಹನ ಚಲಾಯಿಸುವವಗೆ ಹತ್ತಿರ
=     ದಾರಿಗೆ ಸಂಬಂಧಿಸಿದ್ದು
=     ದುಷ್ಟರಿಂದ ದೂರವಿರದಿದ್ದರೆ ದುರಾಚಾರದಿಂದಲೂ ದೂರವುಳಿಯುವ ಮಾತು ದೂರವೇ ಉಳಿಯಿತು
=     ಬೆಟ್ಟ ಕಣ್ಣಿಗೆ ನುಣ್ಣಗೆ ಕಾಣಲು ಕಾರಣವಾದದ್ದು

ವಿಶ್ವನಾಥ ಸುಂಕಸಾಳ
vishwasunkasal@yahoo.com