ಪುಳಕ

ಪುಳಕ
    ಕೈ ಚಳಕ ಕಂಡು ಮೈಯ್ಯಲ್ಲಾಗುವ ಪುಳುಪುಳು
    ಥಳಕು ಲೋಕವ ಕಂಡು ಆಗುವ ಸೆಳಕು
    "ಛೀ ಕೊಳಕ..." ಎಂದು ಗೆಳತಿ ಹೇಳಿದರೆ ಅವಳು ಪುಳಕಗೊಂಡಿದ್ದಾಳೆಂದೇ ಅರ್ಥ
    'ಉಚಿತ...!?' ಎಂಬ ಫಲಕ ನಮ್ಮಲ್ಲಿ ಹುಟ್ಟಿಸುವಂಥದ್ದು
    ರೋಮನ್ನರ ಭವ್ಯ ಇತಿಹಾಸ ತಿಳಿದಾಗ ಆಗುವ ರೋಮಾಂಚನ
    ಜಾದೂಗಾರನ ಜಾದೂ ನಮ್ಮ ಮೇಲೆ ಉಂಟುಮಾಡುವ ಜಾದೂ
    ಕನಸಿನಲ್ಲಿ ಬರುವವಳು ನನಸಲ್ಲೂ ಎದುರಾದಾಗ
    ಫಳ ಫಳ ಸೀರೆ ಕಂಡು ನೀರೆಗಾಗೋದು ಇದೇ
    ಕಂಡು ನಗರದ ಝಗಮಗ ಬೆಳಕ, ಹಳ್ಳಿ ಮುಗ್ಧನಿಗಾಗುವುದೇ ಪುಳಕ
    ಉರಿ ಧಗೆ ಸೆಖೆಯಲ್ಲಿ ತಣ್ಣೀರ ಜಳಕ ಹುಟ್ಟಿಸುವುದೂ ಇದನ್ನೇ
    ಪುನಃ ಪುನಃ ರೋಮಾಂಚನಗೊಳ್ಳುವವನನ್ನು ಪುಳಕೇಶಿ ಎನ್ನಬಹುದು
    ಪುಳಕಗೊಳಿಸುವವರನ್ನೆಲ್ಲ ನಂಬಬಾರದು, ಕೊಳಕು ತುಂಬಿರಲೂಬಹುದು
    ಲಕ ಲಕ ಹೊಳೆಯುವ ಆಭರಣ ಉಂಟುಮಾಡುವ ಆವರಣ

ವಿಶ್ವನಾಥ ಸುಂಕಸಾಳ
vishwasunkasal@yahoo.com