ಕೈಲಾಗದವನು ಮೈ ಪರಚಿಕೊಳ್ತಾರಂತೆ?

ರಮಾ ವೆಂಕಟೇಶ, ನಾಗಮಂಗಲ
ಕೈಲಾಗದವನು ಮೈ ಪರಚಿಕೊಳ್ತಾರಂತೆ?
ಕೈಲಾಗಲಿಲ್ಲ ಅಂತ ಆತುರದಲ್ಲಿ ಬೇರೆಯವರ ಮೈ ಪರಚಿದಾಗಲೇ ಸಮಸ್ಯೆಯಾಗೋದು!

ರಮಾ ವೆಂಕಟೇಶ, ನಾಗಮಂಗಲ
ನಮ್ಮೂರಲ್ಲಿ ಹೆಂಗಸರು ದುಡಿಯೋದು, ಗಂಡಸರು ಕುಡಿಯೋದು ಆಗಿಬಿಟ್ಟಿದೆಯಲ್ಲಾ?
ಹೀಗೇ ಆದ್ರೆ ಹೆಂಗಸರು ದುಡಿಯೋದರ ಜತೆಗೆ ಬಡಿಯೋದನ್ನೂ ರೂಢಿಸಿಕೋಬೇಕಾಗುತ್ತೆ!

ವಿ. ಹೇಮಂತಕುಮಾರ, 9901739104
ಪ್ರೀತಿ ಭಾಷೆಯನ್ನು ಮೊದಲು ಕಣ್ಣುಗಳು ಮಾತನಾಡಿದರೂ ಹುಡುಗಿಯರು ಅರ್ಥ ಮಾಡಿಕೊಳ್ಳುವುದಿಲ್ಲವೇಕೆ?
ಈಗಿನ ಹುಡುಗಿಯರು ಕಣ್ಣು ಕಣ್ಣು ಕಲೆತಾಗ... ಹಾಡು ಕೇಳಿ ಬೆಳೆದವರಲ್ಲ!

ಹರಳಹಳ್ಳಿ ಪುಟ್ಟರಾಜು, ಪಾಂಡವಪುರ, 9632838088
ಮಠಾಧೀಶರು ತಮ್ಮ ಹೆಸರುಗಳಿಗೆ ಶ್ರೀ ಶ್ರೀ ಶ್ರೀ ಅಂತ ಸೇರಿಸಿಕೊಳ್ಳುವುದೇಕೆ?
ಹಾಗಾದರೂ ಜನ ಗೌರವ ಕೊಡಲಿ ಅಂತ.


- ಬಾಣಭಟ್ಟ