ಮೋಡಗಳ ಮರೆಯಲ್ಲಿ ಚಂದಿರ ತಾರೆಗಳ ಜೊತೆ ಸರಸವಾಡುತ್ತಾನೆಯೇ?

ರಮೇಶ ಭಟ್ ಆವರ್ಸೆ, ಮೈಸೂರು, 9164276058
ಗಂಡುಮಕ್ಕಳಿಗೆ ನೈಂಟಿ ಅಂದ್ರೆ ಇಷ್ಟ. ಹೆಣ್ಣು ಮಕ್ಕಳಿಗೆ?
ನೈಟಿ!


ವಿ. ಹೇಮಂತಕುಮಾರ, ಬೆಂಗಳೂರು, 9901739104
ಮೋಡಗಳ ಮರೆಯಲ್ಲಿ ಚಂದಿರ ತಾರೆಗಳ ಜೊತೆ ಸರಸವಾಡುತ್ತಾನೆಯೇ?
ಆ ಪ್ರಮಾಣದಲ್ಲಿ ತಾರೆಗಳ ಸಂಖ್ಯೆ ಹೆಚ್ಚಾದ ವರದಿ ಬಂದಿಲ್ಲ!


ಫ್ಯಾಷನ್ ಡಿಸೈನರ್ ಮಧು, 9945737427
ಮೋಡ ಬಂದರೂ ಮಳೆ ಬಾರದ ಹಾಗೆ ಹತ್ತಿರ ಬಂದರೂ ಅವಳು ಚುಂಬಿಸುವುದಿಲ್ಲವಲ್ಲ?
ಛತ್ರಿ ಇರದಿದ್ದಾಗ ಸಿಕ್ಕಸಿಕ್ಕಲ್ಲಿ ಮಳೆ ಬಂದ್ರೆ ಕಷ್ಟ ಅಂತಿರಬೇಕು!


ಸಿ. ನಾಗರಾಜ, ಅರದೋಟ್ಲು, ಭದ್ರಾವತಿ
ಭ್ರಷ್ಟಾಚಾರ ವಿರೋಧಿಸುವ ಮುಖ್ಯಮಂತ್ರಿಗಳು ಭ್ರಷ್ಟ ಸಚಿವರನ್ನೇಕೆ ಕೈಬಿಡುತ್ತಿಲ್ಲ?
ಅವರ ವಿರೋಧ ಭ್ರಷ್ಟಾಚಾರದ ಬಗ್ಗೆ ಮಾತ್ರ. ಭ್ರಷ್ಟ ಮಂತ್ರಿಗಳ ಬಗ್ಗ್ಗೆ ಅಲ್ಲ!

 ಬಾಣಭಟ್ಟ