ಜನನ

ಹೊಸ ದೇಹ ತೊಟ್ಟು ಮತ್ತೆ ಒದಗುವ ಹುಟ್ಟು
    ಮಗನ ಜನನವೆಂದರೆ ಅದು ಜನನಿಯ ಜನನವೂ ಹೌದು
    ಜನೋತ್ಪತ್ತಿ
    ಸಾವಿಗೆ ಪ್ರಥಮ ಕಾರಣ
    ಬರ್ತ್ ಡೇ ಪಾರ್ಟಿಗಳ ಹುಟ್ಟಿಗೆ ಕಾರಣವಾದದ್ದು
    ಸುತ್ತಲಿನವರೆಲ್ಲಾ ನಗುವ, ಜನಿಸಿದವ ಮಾತ್ರ ಅಳುವ ಸಂದರ್ಭ
    ತಂದೆ ತಾಯಿಗಳ ಪಾಲಿನ ತನನ...
    ವಿವಾಹದ ಉದ್ದೇಶಗಳಲ್ಲಿ ಸಜ್ಜನ ಜನನವೂ ಒಂದು
    ಜಗ, ಜಗಜಗಿಸಲು ಜನ ಜನನದ ಝಂಝಾರವವೂ ಕಾರಣ...
    ಬದುಕು (ಕಷ್ಟಗಳನ್ನು ನೀಡಿ) ನಮ್ಮನ್ನು ತದುಕುವ ಮೂಲಕ ಹುಟ್ಲಿಲ್ಲಾ ಅನ್ನಿಸುತ್ತದೆಯಲ್ಲಾ ಅದಕ್ಕೆ ಕಾರಣವಾದದ್ದು ಈ ಹುಟ್ಟು
    ನಾವು ಯಾಕೆ ಜನಿಸುತ್ತೇವೆಂಬುದು ಯಾರಿಗೂ ಗೊತ್ತಿಲ್ಲ. ಹೇಗೆಂಬುದು ಮಾತ್ರ ಯಾರೂ ಹೇಳಬೇಕಾದದ್ದೇ ಇಲ್ಲ
    ಸೆಕೆಂಡಿಗೆಷ್ಟೋ ಜನ ಜನಿಸುತ್ತಾರೆ. ಅಂದರೆ ಮಾನವನ ಪ್ರಮುಖ ಉತ್ಪನ್ನ ಯಾವುದೆಂಬುದು ತಿಳಿಯುತ್ತದೆ
    ದ್ವಿಜರೆನಿಸಿಕೊಳ್ಳುವುದು ಸುಲಭ. ಅಜರಾಗುವುದು ಕಷ್ಟ
    ಮೋಕ್ಷದ ತನಕ ಜನನ ಕ್ರಮಕ್ಕೆ ಸಾವಿಲ್ಲ. ಅದಕ್ಕೇ ಪುನರಪಿ ಜನನಂ....


ವಿಶ್ವನಾಥ ಸುಂಕಸಾಳ