ಪರವಶ

ಒಬ್ಬರಿಗೆ ವಶವಾದ ಮೇಲೂ ಎರಡನೆಯವಳಿಗೆ ಸೆಳೆಯಲ್ಪಡುವಿಕೆ
    ಇಹಕ್ಕಿಂತ ಪರವೇ ಹೆಚ್ಚು ಇಷ್ಟವಾಗುವಿಕೆ
    ಅಪ್ರಜ್ಞಾಪೂರ್ವಕವಾಗಿ ಪರರ ತೆಕ್ಕೆಗೆ ಒಳಗಾಗುವಿಕೆ
    ಪೋರರು ಪೋರಿಯರಲ್ಲಿ ಮತ್ತು ಪೋರಿಗಳು ಪೋರರ ಬಲೆಯಲ್ಲಿ ಬೀಳುವಿಕೆ
    ವಿರುದ್ಧ ಲಿಂಗಿಗಳ ನಡುವಿನ ಸೆಳೆತ
    ಇದೊಂದು ಅಮಲಿನ ಮಾತ್ರೆ
    ಇಹ ಲೋಕದ ಸಂಗತಿಗಳಿಗೆ ವಶನಾದರೆ ಬಂಧನ, ಪರಬ್ರಹ್ಮನಲ್ಲಿ ಪರವಶನಾದರೆ ಮುಕ್ತಿ
    ಬಲಾತ್ಕಾರದಿಂದ ಪರರ ವಶವಾದರೆ ಅದಕ್ಕೆ ಆಕ್ರಮಣ ಎನ್ನುತ್ತಾರೆ
    ಮರೆವಿನ ಜನಕ
    ಮೋಹನನೆಡೆಗೆ ಮೋಹಗೊಳ್ಳುವಿಕೆ
    ಪರವಶನಾಗುವುದು ಅರಿವಿನ ಮುನ್ನವೇ
    ಮೋಹದ ಸಮ್ಮೋಹನಾಸ್ತ್ರದ ಪರಿಣಾಮ
    ಥಳುಕು ಬಳುಕನ್ನು ಕಂಡು ಪುಳಕಗೊಳ್ಳುವಿಕೆ
    ವಿವೇಕದ ಪ್ರಭೆಯನ್ನು ಅವಿವೇಕ ಮುಚ್ಚಿದಾಗ ಆಗುವ ಸ್ಥಿತಿ
    ನುಣುಪು ಮೈಯನು ಕಂಡು ಮೈ ಮರೆಯುವಿಕೆ


-ವಿಶ್ವನಾಥ ಸುಂಕಸಾಳ
vishwasunkasal@yahoo.com