ಮೋದಿ

ಮೋದಿ
= ರಾಷ್ಟ್ರವಾದಿ
= ವಾದ ವಿವಾದಗಳಲ್ಲಿ ಪ್ರತಿವಾದಿಗಳ ಹುಟ್ಟಡಗಿಸುವ 'ವಾದಿ'ರಾಜ
= ದೇಶದ ಹಿತಕ್ಕಾಗಿ ಸಂಸಾರದ ಹಿತಾಹಿತ ಮರೆತ ವಿವಾಹಿತ. ಹಾಗಾಗಿಯೇ ಕೆಲವರಿಗೆ ಅಹಿತ
= ಈತ 'ವಿವಾಹಿತ' ಅಷ್ಟೇ ಅಲ್ಲ, 'ಕೇವಲ ವಿವಾಹಿತ' (ವಾಜಪೇಯಿ ಕೇವಲ ಅವಿವಾಹಿತರಾಗಿದ್ದರು)
= ಪಶ್ಚಿಮದಲ್ಲಿ (ಗುಜರಾತ್) ಉದಯಿಸಿದ ಸೂರ್ಯ
= 'ಮೌತ್ ಕಾ ಸೌದಾಗರ್‌' ಎಂಬ ಟೀಕೆಯನ್ನು ಮತ್ ಕೀ ಸೌದಾಗರ್ ಎಂದು ಸಾಬೀತುಪಡಿಸಿದಾತ
= ಚಾ ಮಾರುವವನಾದರೂ ಚಾರಿತ್ರ್ಯದ ಮೇಲೆ ಚಾ ಬೀಳಿಸಿಕೊಳ್ಳದವ
= ಶುದ್ಧ ಆ'ಚಾ'ರ ಮತ್ತು ಸ್ಪಷ್ಟ ವಿ'ಚಾ'ರಗಳ ಮೂಲಕ ಚಮಚಾಗಳ  ಮೇಲೆ ಚಾಟಿ ಬೀಸಿ 'ಚಾಲೂ ಮಂದಿ' ಎನಿಸಿಕೊಂಡವ
= ಯಾಮಾರಿಸುವವರಿಗಿಂತ ಚಾ ಮಾರುವವನೇ ಉತ್ತಮ ಎಂಬ ಅಭಿಪ್ರಾಯ ಮೂಡಿಸಿದಾತ
= ಕೊಲೆ ಕೊಲೆ ಎಂದು ಸುಳ್ಳುಗಳ ಕೊಲಾಜ್ ಮಾಡಿದವರನ್ನೇ ತನ್ನ ಅಲೆಯಲ್ಲಿ ಮುಳುಗಿಸುತ್ತಿರುವವ
= ಯು.ಪಿ.ಎ ಮತ್ತು ಯು.ಆರ್.ಎ ಇಬ್ಬರಿಗೂ ಈತ (ಕುರ್ಚಿಯ ಮೇಲಿನ) ಕಂಟಕ
= ನಮೋ ಮೇನಿಯಾದ ಮೂಲಕ ವಿರೋಧಿಗಳ ನಮೋನಿಯಾಕ್ಕೆ ಕಾರಣರಾದವರು
= ಹದಿ ಹರೆಯದವರಿಗಷ್ಟೇ ಅಲ್ಲ, ಮುದಿ ಹರೆಯದವರಿಗೂ ಭರವಸೆಯ ಕೌಮುದಿ ಈ ಮೋದಿ

ವಿಶ್ವನಾಥ ಸುಂಕಸಾಳ
vishwasunkasal@yahoo.com