ಮಡಿ

ಮಡಿ
    ಮಡಿಯುವ ತನಕ ಕೆಲವರು ಆಚರಿಸುವ ಆಚಾರ
    ಶುದ್ಧವಾಗಿರುವುದೆಲ್ಲ ಮಡಿ ಎಂಬುದು ಶುದ್ಧವಾದ ಅರ್ಥ
    ಕೊಳಕಾಗಿ ಮಡಿಕೆ ಬಿದ್ದಷ್ಟು ಮಡಿತನ ಜಾಸ್ತಿಯೆಂಬುದು ಕೆಲವು ಕೊಳಕರ ನಂಬಿಕೆ
    ದೇವರಿಗೆ ಮಡಿ ಇಷ್ಟವೋ ಅಲ್ಲವೋ ಎಂಬುದು ಬೇರೆ ಪ್ರಶ್ನೆ, ಭಕ್ತರಂತೂ ಕಷ್ಟಪಟ್ಟಾದರೂ ತೊಡುತ್ತಾರೆ
    ಮೈಲಿಗೆಯ ಹೊರ ಕವಚ
    ದೇವರಿಗೆ ಅಭಿಷೇಕಕ್ಕಾಗಿ ಮಡಿಕೆಯಲ್ಲಿ ನೀರು ತರುವಾಗ ಇದನ್ನುಡುವುದು ರೂಢಿ
    ಗುಡಿ ಹೊಕ್ಕುವವರಿಗೆ ಅನ್ವಯಿಸುವ ನಿಬಂಧನೆ
    ಮಾಡು ಇಲ್ಲವೇ ಮಡಿ ಉಡು
    ಕೆಲವರು ಅನುಯಾಯಿಗಳನ್ನು ಮೋಡಿ ಮಾಡಲು ಬಳಸಿಕೊಳ್ಳುವ ಸಾಧನವೇ ಮಡಿ
    ತುಂಬಾ ಮಡಿವಸ್ತ್ರಗಳನ್ನು ಸಂಗ್ರಹಿಸಿ ಇಟ್ಟವನನ್ನು ಮಡಿವಂತ ಎನ್ನಬಹುದು
    ಮಡಿ ಮೈಲಿಗೆಯೆಲ್ಲ ಮಡಿಯುವ ದೇಹಕ್ಕೆ, ಮನಸಿಗೆ. ಮಡಿಯದ ನಿತ್ಯ ಆತ್ಮನಿಗೆಲ್ಲಿಯ ಮಡಿ?
    ಬೇರೆಯವರನ್ನು ಮುಟ್ಟಿಸಿಕೊಳ್ಳದಿರುವುದು ಮಡಿಯಲ್ಲ. ಕೆಟ್ಟದ್ದನ್ನು ಮುಟ್ಟದಿರುವುದೇ ನಿಜವಾದ ಮಡಿ
    ಮಡಿವಂತಿಕೆ ಎಂಬುದು ಶುದ್ಧತೆ ಎಂದಾದರೆ ಆಚಾರದಲ್ಲಷ್ಟೇ ಅಲ್ಲ, ವಿಚಾರದಲ್ಲೂ ಬರಬೇಕು    

ವಿಶ್ವನಾಥ ಸುಂಕಸಾಳ
vishwasunkasal@yahoo.com