ಅಂತರ್ಜಾಲ

ಆಬಾಲವೃದ್ಧರನ್ನೂ ತನ್ನೊಳಗೆ ಬಂಧಿಸುವ ಮಹಾಜಾಲ
    ಇದೊಂಥರ ಬತ್ತದ ಅಂತರ್ಜಲ, ಉಕ್ಕುತ್ತಲೇ ಇರುವುದು
    ಈ ಶತಮಾನದ ಈ-ಮಾಧ್ಯಮ
    ಅಂತರಂಗವೆಲ್ಲ ಬಹಿರಂಗಗೊಳ್ಳುವ ಸಾಧನ
    ಕೆಲವರ ನೆಟ್ ಪ್ರಾಕ್ಟೀಸ್ ಅಂಗಣ
    ಈ ಜಾಲದಲ್ಲಿ ಸಿಲುಕಿದವನಿಗೆ ಜೀವಾವಧಿ ಮುಕ್ತಿಯಿಲ್ಲ
    ಅಂತರ್ಜಾಲ-ಮಕ್ಕಳಿಗೂ ಇದು ಲೀಲಾಜಾಲ
    ಇದರ ಬಗೆಗಿನ ತಿಳುವಳಿಕೆ ಇಲ್ಲದವನೇ ಆಧುನಿಕ ಅನಕ್ಷರಸ್ಥ
    ಮೇಲ್ ಫೀಮೇಲ್ ಎಲ್ಲರಿಗೂ ಈ ಮೇಲ್ ತಲುಪಿಸುವ ಮಾಧ್ಯಮ
    ಈ ಕಾಲದಲ್ಲಿ ಬದುಕಬೇಕೆಂದರೆ ಈ ಸಂಪರ್ಕವಿರಲೇಬೇಕು
    ಇದೊಂದಿದ್ದರೆ ಸಾಕು "ವಸುಧೈವ ಕುಟುಂಬಕಮ್‌"
    ಚಾಟ್ ಮಾಡುವ ಚಟ ಹತ್ತಿಸುವಂಥದ್ದು
    ಕೆಲವರ ಅಂತರ್‌ಬಲ
    ಅಂತರ್ಜಾಲದ ಸಂಪರ್ಕವಿಲ್ಲದಪ್ರದೇಶವನ್ನು ಸ್ವರ್ಗವೆಂದು ಕರೆಯಬಹುದು

ವಿಶ್ವನಾಥ ಸುಂಕಸಾಳ