ವಿರಾಮ

ವಿರಾಮ
    ಎಲ್ಲ ಉದ್ಯೋಗಿಗಳ ಮಹಾ ಬಯಕೆ
    ಇಡೀ ವಾರ ಮಾಡುವ ಯುದ್ಧ ಒಂದು ದಿನದ ವಿರಾಮಕ್ಕಾಗಿ
    ಕೆಲವರು ಯಾಕೆ ಆಲಸಿಗಳೆಂದರೆ ಕೆಲಸಕ್ಕಿಂತಲೂ ಮೊದಲೇ ವಿರಾಮ ಸ್ವೀಕರಿಸುವುದರಿಂದ
    ಇದರಲ್ಲಿ ಅಲ್ಪ ವಿರಾಮ ಮತ್ತು ಪೂರ್ಣ ವಿರಾಮವೆಂದು ಎರಡು ವಿಧ
    ಆರಾಮವಾಗಿ ಕಳೆಯಲೆಂದು ಇರುವ ಸಮಯ
    ನಿದ್ರೆಯು ಕೆಲಸಕ್ಕೆ ಅಲ್ಪ ವಿರಾಮ. ಕೆಲಸವು ನಿದ್ರೆಗೆ ಪೂರ್ಣ ವಿರಾಮ
    ರಾಮ ವನವಾಸದ ಸಮಯದಲ್ಲಿ ಕುಟೀರಗಳಲ್ಲಿ ಪಡೆದಿದ್ದು
    ಯೋಧ ಮತ್ತು ಕೃಷಿಕನಿಗೆ ಎಂದೂ ದೊರೆಯದ್ದು
    ರಜೆಯೆಂಬ ಮಜಾ ಉಡಾವಣಾ ದಿನ ಮಂಜೂರಿಯಾದ ಮೇಲೆ ವಿರಾಮದಂದೂ ಆರಾಮವಿಲ್ಲ
    ಕೆಲವರದು ಅಫೀಸಿನಲ್ಲಿರುವಾಗೆಲ್ಲಾ ವಿರಾಮ. ವೀಕೆಂಡ್‌ನಲ್ಲಿ ಮಾತ್ರ ಕೈ ತುಂಬಾ ಕೆಲಸ
    ಸೂರ್ಯ ಎಂದಿಗೂ ರಜೆ ತೆಗೆದುಕೊಳ್ಳುವುದಿಲ್ಲ. ಆತನಿಗೆ ವರ್ಷಕ್ಕೊಮ್ಮೆ ಒಂದು ವಾರ ಕಡ್ಡಾಯ ರಜೆ ಕೊಟ್ಟು ನೋಡಬೇಕು

ವಿಶ್ವನಾಥ ಸುಂಕಸಾಳ
vishwasunkasal@yahoo.com