ಶಿಕ್ಷಕ

ದಂಡಧಾರಿ  
    ತನಗೆ ಕಲಿಸಿದ ಶಿಕ್ಷಕರು ಹೇಗೆಲ್ಲ ಶಿಕ್ಷಿಸುತ್ತಿದ್ದರು ಎಂದು ವಿವರಿಸುವ ಮೂಲಕ ತಾನು ತುಂಬಾ ಸೌಮ್ಯ ಸ್ವಭಾವದವನೆಂದು ತೋರಿಕೊಳ್ಳುವವ
    ಮೊದಲಿನ ಕಾಲದಲ್ಲಾದ್ರೆ ಶಿಕ್ಷಿಸುವವನೇ ಶಿಕ್ಷಕನಾಗಿದ್ದ..ಈಗ ವಿದ್ಯಾರ್ಥಿಗಳ ತಪ್ಪಿಗೆ ಶಿಕ್ಷೆ ಅನುಭವಿಸುವವ ಯಾವನೋ ಅವನೇ ಶಿಕ್ಷಕ
    ಬುದ್ದುಗಳನ್ನೆಲ್ಲ ಬುದ್ಧಿವಂತರನ್ನಾಗಿಸುವ ಗುತ್ತಿಗೆ ಪಡೆದವ
    ಕಡಿಮೆ ಸಂಬಳಕ್ಕೆ ಮಕ್ಕಳ ಸಿಂಬಳ ಒರೆಸಬೇಕಾದ ಕೆಲಸ ಈತನಿಗೆ..
    ಭವಿಷ್ಯದ ಕಾಲೇಜು ಹುಡುಗರ ನಿರ್ಮತ
    ತನಗೆ ತಿಳಿಯದುದನ್ನು ಮಕ್ಕಳಿಗೂ ತಿಳಿಯದಂತೆ ಹೇಳುವವ
    ಎಲ್ಲ ಶಿಕ್ಷಕರೂ ಗುರುವಲ್ಲ ಆದರೆ ಗುರುಗಳೆಲ್ಲ ಶಿಕ್ಷಕರೇ..
    ವಿದ್ಯಾದಾತ...ಅಥವಾ ಸರಸ್ವತಿಯ ಏಜೆಂಟ್
    ಶಾಲೆಗೆ ಬನ್ನಿ ಬನ್ನಿ ಎಂದು ಮಕ್ಕಳನ್ನು ಕರೆದು ತಂದು ಪಾಠ ಮಾಡಬೇಕಾದ ಕರ್ಮ ಕೆಲವರದ್ದು
    ತನ್ನ ವಿಷಯದಲ್ಲಿ ಮಾಸ್ಟರ್ ಅಲ್ಲದಿದ್ದರೂ ಮೇಷ್ಟ್ರು ಈತ
    ಕನ್ನಡ ಶಾಲೆಯ ಟೀಚರ್‌ಗೂ ಇಂಗ್ಲಿಷ್ ಬರಬೇಕಾಗುತ್ತದೆ
    ನಮಗೆಲ್ಲ ಶಿಕ್ಷಕರೆಂದರೆ ರೋಲ್(ಪಟ್ಟಿ) ಮಾಡೆಲ್ ಆಗಿದ್ದರು. ಈಗ ಮಕ್ಕಳೇ ಬಡಿಗೆ ಹಿಡಿದರೂ ಸುಮ್ಮನಿರಬೇಕಾದ ಗತಿ ಈತನದು   

-ವಿಶ್ವನಾಥ ಸುಂಕಸಾಳ
vishwasunkasal@yahoo.com