ಕಣ್ಣು

ಕಣ್ಣು
    ಕಣ್ಣು ಒಂಥರಾ ಖಂಡಾಂತರ ಕ್ಷಿಪಣಿ; ಖಂಡದಿಂದ ಖಂಡಕ್ಕೆ ದಾಳಿ ಮಾಡುತ್ತದೆ
    ರೂಪ ರೂಪಗಳನು ದಾಟಿ ರೂಪವಂತೆಯರನು ಮೀಟಿ ನಗುವ ಈಟಿ
    ನಿಮ್ಮನ್ನು ಮುನ್ನಡೆಸುವ ನೇತಾ ಈ ನೇತ್ರ
    ಕಣ್ಣು ತಪ್ಪು ಮಾಡಿದರೆ ಬೆನ್ನಿನ ಮೂಳೆ ಮುರಿಯುತ್ತದೆ
    ನಿಜವಾದ ಸಮಾನತೆಯ ಹರಿಕಾರ ಈ ಕಣ್ಣು. ಎಲ್ಲವನ್ನೂ ಸಮಾನವಾಗಿ ನೋಡುತ್ತದೆ
    ಹೆಣ್ಣಿನ ಕಣ್ಣು ಮೀನು; ಗಂಡಿನ ಕಣ್ಣು ಗಾಳ
    ಸತ್ತ ಮೇಲೂ ನಮ್ಮ ಕಣ್ಣು ಸುಂದರ ಹುಡುಗಿಯರನ್ನು ನೋಡಬೇಕೆಂದರೆ ನೇತ್ರ ದಾನ ಮಾಡಬಹುದು
    ಗಂಡನನ್ನು ಬೆದರಿಸಲು ಹೆಂಡತಿಗಿರುವ ಪರಮಾಯುಧ
    ಮದುವೆಗೆ ಮುಂಚೆ ಕಮಲಾಕ್ಷಿ; ನಂತರ ಕಂಡರೆ ಬರೀ ಆಕ್ಷೀಡಡ..
    ಕಣ್ಣಿದ್ದೂ ಕುರುಡರು ಕೆಲವರು. ಯಾವ ಕನ್ನಡಕವೂ ಅವರ ನೋಟವನ್ನು ನೆಟ್ಟಗಾಗಿಸದು
    ಕಣ್ಣಿನ ದೀರ್ಘ ಆರೋಗ್ಯಕ್ಕಾಗಿ ಹಣ್ಣನ್ನು ಬಳಸಿ, ಹೆಣ್ಣನ್ನು ದೂರವಿಡಿ
    ಕಂಡಿದ್ದೆಲ್ಲ ಸತ್ಯವಲ್ಲ. ಕಾಣದ್ದು ಸುಳ್ಳೂ ಅಲ್ಲ.
    ಕಣ್ಣು ಸಾಕ್ಷಿ. ಬುದ್ಧಿ ನ್ಯಾಯಾಧೀಶ.
    ಕಮಲದ ಕಣ್ಣುಗಳಿದ್ದಲ್ಲಿ ಹದ್ದಿನ ಕಣ್ಣುಗಳೂ ಇರುತ್ತವೆ
    ಮೊದಲು ಗೋಡೆಗೂ ಕಿವಿಯಿರುತ್ತಿತ್ತು. ಈಗ ಗೋಡೆಗೆಲ್ಲಾ ಕಣ್ಣು

ವಿಶ್ವನಾಥ ಸುಂಕಸಾಳ
vishwasunkasal@yahoo.com