ಪಾಠ

ಪಾಠ
    ಕೇಳಿ ಕೇಳಿ ಮರುಳಾಗುವ ಮಾಧ್ಯಮ
    ಪಾಠ ಕೇಳುತ್ತಾ ಕೆಲವರು ತಲೆ ತೂಗುತ್ತಿರುತ್ತಾರೆ. ಇನ್ನು ಕೆಲವರು ಅಹುದಹುದೆನ್ನುತ್ತಾರೆ. ತೂಕಡಿಕೆಯ ಪರಿಣಾಮವದು
    ಹಟ ಬಿಟ್ಟು ಕೇಳುವವರಿಗೆ ಮಾತ್ರ ಅರ್ಥವಾಗುವಂಥದ್ದು
    ಇದು ಒನ್ ವೇ ಆಗಬಾರದು...
    ಮಕ್ಕಳು ಇದನ್ನು ಕೇಳುವುದಷ್ಟೇ ಅಲ್ಲ, ಪ್ರಶ್ನೆಯನ್ನೂ ಕೇಳಿದರೆ ಹೆಚ್ಚು ಅರ್ಥಪೂರ್ಣ
    ಎಕ್ಸಾಮ್ ಎದುರಿಗೆ ಪಟಪಟನೇ ಪುಟ ತಿರುವಿ ಹಾಕುವುದಕ್ಕೆ ಮುಖ್ಯ ಕಾರಣ
    ಅಧ್ಯಾಪಕನಿಗೂ ವಿದ್ಯಾರ್ಥಿಗೂ ಇದು ಬೇಗ ಮುಗಿದಷ್ಟು ಒಳ್ಳೆಯದು
    ಪ್ರತಿ ವರ್ಷ ಅಧ್ಯಾಪಕನಿಗೆ ಹೇಳಿದ್ದೇ ಹೇಳುವ ಭಾಗ್ಯ ಕೊಡುವ ಅಂಶ
    ಲೆಸ್ ಗಮನ ಕೊಟ್ಟು ಲೆಸ್ ಮಾರ್ಕ್ ಗಳಿಸಲು ಕಾರಣವಾಗುವ ಲೆಸ್ಸನ್
    ಬಂಕ್ ಎಂಬ ಅದ್ಭುತ ಆನಂದದ ಅಸ್ತಿತ್ವ ಇರುವುದೇ ಕೆಟ್ಟ ಪಾಠಗಳಿಂದ
    ವಿದ್ಯಾರ್ಥಿಗಳ ಮೇಲೆ ಅಧ್ಯಾಪಕ ನಡೆಸುವ ಶಸ್ತ್ರವಿಲ್ಲದ ಸಮರ
    ಕ್ಲಾಸಿನಲ್ಲಿ ಅಧ್ಯಾಪಕ ಮಾಡುವ ಪಾಠವನ್ನು ಗಮನವಿಟ್ಟು ಕೇಳಬೇಕು. ಇದರಿಂದ ಹೇಗೆ ಪಾಠ ಮಾಡಬೇಕೆಂದು ತಿಳಿಯುತ್ತದೆ
    ಅತಿ ಹೆಚ್ಚು ಅಂಕ ಗಳಿಸಿದವರೆಂಬ ಪೇಟ ಧರಿಸಬೇಕೆಂದರೆ ಓದಬೇಕಾದದ್ದು
    ಪುಸ್ತಕ ಕೀಟವಾದವರ ಚಟ
    ಬುದ್ಧಿಗೆ ಊಟ, ಬುದ್ದುಗೆ ಕಾಟ

ವಿಶ್ವನಾಥ ಸುಂಕಸಾಳ
vishwasunkasal@yahoo.com