ಸ್ತ್ರೀಯರೇಕೆ ಸೀರಿಯಲ್‌ಗಳನ್ನು ಇಷ್ಟಪಡ್ತಾರೆ?

ಬಸವನಗೌಡ ಹೆಬ್ಬಳಗೆರೆ, ಚನ್ನಗಿರಿ
ಸ್ತ್ರೀಯರೇಕೆ ಸೀರಿಯಲ್‌ಗಳನ್ನು ಇಷ್ಟಪಡ್ತಾರೆ?
ಅವರಿಗೆ ಸದಾ ಇನ್ನೊಬ್ಬರ ಬಗ್ಗೆಯೇ ಕುತೂಹಲ!

ಕುತ್ಪಾಡಿ ಜಯಪ್ರಕಾಶ ಹೆಗ್ಡೆ, ತೀರ್ಥಹಳ್ಳಿ
ಚುನಾವಣಾ ಅಭ್ಯರ್ಥಿಗಳ ಟಿಕೆಟ್‌ಗಾಗಿ ಆಗುವ ನೂಕುನುಗ್ಗಲಿಗೂ, ಸಿನಿಮಾ ಟಿಕೆಟ್‌ಗಾಗಿ ಆಗುವ ನೂಕುನುಗ್ಗಲಿಗೂ ಏನು ವ್ಯತ್ಯಾಸ?
ಒಂದು ಸಿನಿಮಾಸೌಧದ ಕುರ್ಚಿಗಾಗಿ, ಇನ್ನೊಂದು ವಿಧಾನಸೌಧದ ಕುರ್ಚಿಗಾಗಿ.

ರವಿಕುಮಾರ ಜಿ.ಬಿ. 9449669897
ಹುಡುಗಿಯರು ನಾಯಿಮರಿಯನ್ನೇ ಇಷ್ಟಪಡುತ್ತಾರೆ ಯಾಕೆ?
ಅವರು ಹೇಳಿದ ಹಾಗೆ ಕೇಳುತ್ತದೆ ಅದಕ್ಕೆ!

ಕೆ.ಎಂ. ಲಿಂಗರಾಜು, ನಂಜನಗೂಡು, 9916021365
ದಾನ ಮಾಡಿದ ಕರ್ಣ ದಾನಶೂರನಾದ. ಮತದಾನ ಮಾಡುವ ಮತದಾರ ಏನಾಗಬಹುದು?
ಮತದಾನಕ್ಕೂ ಮೊದಲು ಧೀರ, ನಂತರ ಅಧೀರ.

ರಮೇಶ ಭಟ್ ಆವರ್ಸೆ, ಮೈಸೂರು, 9164276058
'ಕೇಳ್ರಪ್ಪೋ ಕೇಳಿ'ಯಲ್ಲಿ ಮೊಬೈಲ್ ನಂಬರ್ ಕೊಟ್ಟಿದ್ದೇ ತಡ ತುಂಟ ಹುಡುಗಿಯರೆಲ್ಲಾ ಕಾಲ್, ಮೆಸೇಜು ಮಾಡೋಕೆ ಶುರುಮಾಡಿದ್ದಾರಲ್ಲ?
ರಮೇಶ ಭಟ್ರು, ಮೊಬೈಲ್ ನಂಬರ್ ಕೊಟ್ರು, ಕಾಟಕ್ಕೆ ಸುಸ್ತಾಗಿ ಕುಳಿತುಬಿಟ್ರು!

 ಬಾಣಭಟ್ಟ