ಪಹಣಿ ತಿದ್ದುಪಡಿ ಆಂದೋಲನ 4ರಿಂದ ಆರಂಭ

ಕುಣಿಗಲ್: ತಾಲೂಕಿನ ಕೊತ್ತಗೆರೆ, ಹುತ್ರಿದುರ್ಗ, ಹುಲಿಯೂರುದುರ್ಗ, ಕಸಬಾ, ಅಮೃತೂರು ಹೋಬಳಿಗಳಲ್ಲಿ ಆ.4 ರಿಂದ ಸೆಪ್ಟೆಂಬರ್ 16ರವರೆಗೆ ಪಹಣಿ ತಿದ್ದು ಪಡಿ ಆಂದೋಲನ ಹಮ್ಮಿಕೊಳ್ಳಲಾಗಿದೆ ಎಂದು ತಹಸೀಲ್ದಾರ್ ಶಂಭುಲಿಂಗಯ್ಯ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ. ಕೊತ್ತೆಗೆರೆ ಹೋಬಳಿ ನಾಡ ಕಚೇರಿಯಲ್ಲಿ 22ರಂದು, ಹುತ್ರಿದುರ್ಗ ಹೋಬಳಿ ನಾಡ ಕಚೇರಿಯಲ್ಲಿ 27ರಂದು ತಿದ್ದು ಪಡಿ ಆಂದೋಲನ ನಡೆಯಲಿದೆ. ಹುಲಿಯೂರುದುರ್ಗ ನಾಡ ಕಚೇರಿಯಲ್ಲಿ ಆ.18ರಿಂದ ಸೆಪ್ಟೆಂಬರ್ 3ರವರೆಗೆ ಅರ್ಜಿ ಸ್ವೀಕರಿಸಿ, ಸೆಪ್ಟಂಬರ್ 5ರಂದು ಆಂದೋಲನ ನಡೆಯಲಿದೆ. ಕಸಬಾ ಹೋಬಳಿ ಪಟ್ಟಣದ ಕಂದಾಯ ಭವನದಲ್ಲಿ ಆ.25ರಿಂದ ಸೆಪ್ಟೆಂಬರ್ 9ರವರೆಗೆ ಅರ್ಜಿ ಸ್ವೀಕರಿಸಿ, ಸೆಪ್ಟಂಬರ್ 12ರಂದು ತಿದ್ದು ಪಡಿ ಆಂದೋಲನ ನಡೆಯಲಿದೆ. ಅಮೃತೂರು ನಾಡ ಕಚೇರಿಯಲ್ಲಿ ಸೆಪ್ಟೆಂಬರ್19ರಂದು ತಿದ್ದು ಪಡಿ ಆಂದೋಲನ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ. ಆಯಾ ಹೋಬಳಿಯಲ್ಲಿ ನಿಗದಿ ಪಡಿಸಿದ ದಿನಾಂಕದೊಳಗೆ ದಾಖಲೆಗಳನ್ನು ಸಲ್ಲಿಸಿ, ಲೋಪದೋಷಗಳನ್ನು ಸರಿಪಡಿಸಿಕೊಳ್ಳಬೇಕೆಂದು ಮನವಿ ಮಾಡಿದ್ದಾರೆ.