ಯೋಜನೆ ಶೀಘ್ರ ಪೂರ್ಣ: ಸಚಿವರ ಭರವಸೆ

ತುಮಕೂರು: ಇನ್ನು ಕೆಲವೇ ದಿವಸಗಳಲ್ಲಿ ಶೆಟ್ಟಿಹಳ್ಳಿ, ಉಪ್ಪಾರಹಳ್ಳಿ ಯೋಜನೆ ಪೂರ್ಣಗೊಳ್ಳುವ ಭರವಸೆಯನ್ನು ಜಿಲ್ಲಾ ಉಸ್ತುವಾರಿ ಸಚಿವ ಸೊಗಡು ಶಿವಣ್ಣ ನೀಡಿದ್ದಾರೆ. ಅವರ ಪ್ರಕಾರ ಈ ಮೇಲ್ಸೇತುವೆ ನಿರ್ಮಾಣ ಸಂಬಂಧ ನಮ್ಮ ಮುಂದೆ ತಕರಾರು, ಸಮಸ್ಯೆಗಳ ದೊಡ್ಡ ಬೆಟ್ಟವೇ ಎದುರಿಗೆ ಬಂದಿತ್ತು. ಒಂದೊಂದಾಗಿ ಅವೆಲ್ಲಾವನ್ನು ನಿವಾರಣೆ ಮಾಡಿಕೊಂಡು ಮುಂದೆ ಬಂದಿದ್ದೇವೆ. ಅತಿ ಶೀಘ್ರದಲ್ಲೇ ಈ ಯೋಜನೆ ತುಮಕೂರು ನಗರದ ನಾಗರಿಕರಿಗೆ ಸಮರ್ಪಿಸುವ ಭರವಸೆಯನ್ನು ನೀಡಿದ್ದಾರೆ.
ಮರೆಯಬಾರದು ರವೀಶ್‌ರನ್ನು
ಶೆಟ್ಟಿಹಳ್ಳಿ-ಉಪ್ಪಾರಹಳ್ಳಿ ರೈಲ್ವೆ ಮೇಲ್ಸೇತುವೆ ಕಾಮಗಾರಿ ಸಂಬಂಧ ನಗರಸಭೆ ಮಾಜಿ ಅಧ್ಯಕ್ಷ ದಿ. ರವೀಶ್ ಅವರ ಹೋರಾಟವನ್ನು ಮರೆಯಬಾರದು. ರವೀಶ್ ಸೇರಿದಂತೆ ಒಂದಷ್ಟು ಮಂದಿ ಯುವಕರ ತಂಡವೊಂದು ಈ ಯೋಜನೆ ಈ ಹಂತದವರೆಗೆ ಬರುವ ಸಂಬಂಧ ಇಲಾಖೆಗಳಿಗೆ ಅಲೆದಾಡಿದ್ದಾರೆ. ಶಾಸಕರ ಜತೆ ಚರ್ಚಿಸಿದ್ದಾರೆ. ಸಂಬಂಧಪಟ್ಟ ಗುತ್ತಿಗೆದಾರರು, ಲೋಕೋಪಯೋಗಿ ಇಲಾಖೆಯವರ ಜತೆ ಚರ್ಚೆ ನಡೆಸಿದ್ದಾರೆ. ಕೆಲ ಸಲ ಸಂಘರ್ಷಕ್ಕೆ ಇಳಿದಿದ್ದಾರೆ. ದಾಖಲೆಗಳನ್ನು ಕ್ರೋಢೀಕರಿಸಿದ್ದಾರೆ.