ಹಾಸ್ಯ ನಾಟಕ ಇಂದು

ಶಿವಮೊಗ್ಗ: ಮಯೂರಿ ಕಲಾ ವೇದಿಕೆಯು ನಮ್ಮೂರ ವನಿತಾ ಸಂಘ ಎಂಬ ಹಾಸ್ಯ ನಾಟಕವನ್ನು ಜುಲೈ 25ರಂದು ಸಂಜೆ 6.30ಕ್ಕೆ ಕುವೆಂಪು ರಂಗಮಂದಿರದಲ್ಲಿ ಪ್ರದರ್ಶಿಸಲಿದೆ. ಹು.ಮ.ಸತೀಶ್ ನಾಟಕ ನಿರ್ದೇಶಿಸಿದಿದ್ದಾರೆ. ನಗರಪಾಲಿಕೆ ಸದಸ್ಯ ಐಡಿಯಲ್ ಗೋಪಿ, ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಸಹಾಯಕ ನಿರ್ದೇಶಕ ಕುಮಾರ್ ಬಕ್ಕೇರಿ ಉಪಸ್ಥಿತರಿರುವರು.


ಆರೋಗ್ಯ ತಪಾಸಣೆ ಶಿಬಿರ
ಶಿವಮೊಗ್ಗ: ನಗರದ ಟಿಎಂಎಇಎಸ್ ಆಯುರ್ವೇದ ಮಹಾವಿದ್ಯಾಲಯ ಮತ್ತು ಆಸ್ಪತ್ರೆ ವತಿಯಿಂದ ಜುಲೈ 26 ರಂದು ನಗರದ ವೀರಶೈವ ಕಲ್ಯಾಣ ಮಂಟಪದಲ್ಲಿ ಉಚಿತ ಆರೋಗ್ಯ ತಪಾಸಣಾ ಶಿಬಿರ ನಡೆಯಲಿದೆ. ಮೂಳೆ, ಕೀಲು ಹಾಗೂ ನರಸಂಬಂಧಿ ರೋಗಗಳ ತಪಾಸಣೆ ಹಾಗೂ ಪಂಚಕರ್ಮ ಚಿಕಿತ್ಸಾ ಸಲಹೆ, ಪೈಲ್ಸ್, ಫಿಶರ್, ಪಿಸ್ತೂಲಾ ತಪಾಸಣೆ ಚಿಕಿತ್ಸೆ, ಚರ್ಮರೋಗ, ಶ್ವಾಸರೋಗ, ಹೃದಯ, ಬೊಜ್ಜು ಸಂಬಂಧಿತ ರೋಗಗಳ ತಪಾಸಣೆ ಹಾಗೂ ಚಿಕಿತ್ಸೆ ನೀಡಲಾಗುತ್ತದೆ. ಮದ್ಯ ವ್ಯಸನಿಗಳಿಗೆ ಹಾಗೂ ಮನೋರೋಗಿಗಳಿಗೆ ಚಿಕಿತ್ಸೆ ನೀಡಲಾಗುತ್ತದೆ. ಮಾಹಿತಿಗೆ: ಮೊ 9880539802

ಬಾಲಕ, ಬಾಲಕಿಯರ ಕ್ರೀಡಾಕೂಟ
ಶಿವಮೊಗ್ಗ: ಗಾಜನೂರು ವಲಯ ಮಟ್ಟದ 14 ವರ್ಷ ವಯೋವುತಿಯೊಳಗಿನ ಶಾಲಾ ಬಾಲಕ-ಬಾಲಕಿಯರ ಕ್ರೀಡಾಕೂಟ ಆಗಸ್ಟ್ 6 ಮತ್ತು 7ರಂದು ನೆಹರೂ ಮೈದಾನದಲ್ಲಿ ನಡೆಯಲಿದೆ. ಜಿಲ್ಲಾ ಪಂಚಾಯಿತಿ, ಸಾರ್ವಜನಿಕ ಶಿಕ್ಷಣ ಇಲಾಖೆ, ಕ್ಷೇತ್ರ ಶಿಕ್ಷಣಾಧಿಕಾರಿ ಕಚೇರಿ ಹಾಗೂ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯ ಸಂಯುಕ್ತ ಆಶ್ರಯದಲ್ಲಿ ಕ್ರೀಡಾಕೂಟ ಹಮ್ಮಿಕೊಳ್ಳಲಾಗಿದೆ.
    6ರಂದು ಬೆಳಿಗ್ಗೆ 11 ಗಂಟೆಗೆ ಕ್ರೀಡಾಕೂಟ ಉದ್ಘಾಟನೆಗೊಳ್ಳಲಿದೆ ಎಂದು ಕ್ರೀಡಾ ಸಂಚಾಲಕರು ತಿಳಿಸಿದ್ದಾರೆ.