ಆಧ್ಯಾತ್ಮಿಕ ರಾಯಭಾರಿ ಕನಕದಾಸರು

ಶಿವಮೊಗ್ಗ: ಕನಕದಾಸರು ಎಲ್ಲ ವರ್ಗದವರ ಆಧ್ಯಾತ್ಮಿಕ ರಾಯಭಾರಿ ಎಂದು ಡಿಕೆ.ಎಸ್. ಈಶ್ವರಪ್ಪ ಅಭಿಪ್ರಾಯಪಟ್ಟರು.
 ಜಿಲ್ಲಾಡಳಿತ ವಿವಿಧ ಇಲಾಖೆಗಳ ಸಹಯೋಗದಲ್ಲಿ ಶನಿವಾರ ಆಯೋಜಿಸಿದ್ದ ಕನಕದಾಸರ ಜಯಂತಿ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿ ಮಾತನಾಡಿದ ಅವರು, ಸುಮಾರು 500 ವರ್ಷಗಳ ಹಿಂದೆಯೇ ಜಾತಿಯ ವಿಷ ಬೀಜ ಬಿತ್ತುವವರ ವಿರುದ್ಧ ಹೋರಾಡುವ ಮೂಲಕ ಎಲ್ಲ ವರ್ಗದವರಿಗೂ ಧಾರ್ಮಿಕ ಮತ್ತು ಆಧ್ಯಾತ್ಮಿಕವಾಗಿ ಮಾರ್ಗದರ್ಶನ ನೀಡಿದ ಕನಕದಾಸರು ಮಹಾನ್ ದಾರ್ಶನಿಕರು ಎಂದರು.
 ಕನಕದಾಸರು ಕೇವಲ ಕುರುಬ ಸಮುದಾಯದ ಏಳಿಗೆಗೆ ದುಡಿಯಲಿಲ್ಲ. ಕನಕದಾಸರು ಕೇವಲ ಕುರುಬ ಸಂತರು ಎಂಬ ಸಮಾಜಕ್ಕೆ ಧಿಕ್ಕಾರವಿರಲಿ ಎಂದರು.
 ಸಭಾ ಕಾರ್ಯಕ್ರಮಕ್ಕೂ ಮುನ್ನ ನಗರದ ರಾಮಣ್ಣ ಶ್ರೇಷ್ಠಿ ಪಾರ್ಕ್‌ನಿಂದ ಶ್ರೀ ಕನಕದಾಸರ ಭಾವಚಿತ್ರದೊಂದಿಗೆ ಹೊರಟ ಮೆರವಣಿಗೆಗೆ ಸಂಸದ ಬಿ.ವೈ. ರಾಘವೇಂದ್ರ ಚಾಲನೆ ನೀಡಿದರು. ಈ ಸಂದರ್ಭದಲ್ಲಿ ಪೂರ್ಣಕುಂಭ, ನಾದಸ್ವರ, ಡೊಳ್ಳು, ವೀರಗಾಸೆ, ಹಲಗೆ ಮೇಳ, ಕೋಲಾಟ ಹಾಗೂ ವಿವಿಧ ಜಾನಪದ ತಂಡಗಳ ಮೆರವಣಿಗೆಯು ನಗರದ ಪ್ರಮುಖ ಬೀದಿಗಳಲ್ಲಿ ಸಂಚರಿಸಿ, ಕುವೆಂಪು ರಂಗಮಂದಿರದಲ್ಲಿ ಸಮಾವೇಶಗೊಂಡಿತು.