ಗಣದಿನ್ನಿಗೆ ಡಾಕ್ಟರೇಟ್

ರಾಯಚೂರು: ಉತ್ತರ ಪ್ರದೇಶದ ಮೊನಡ್ ವಿವಿಯು ಇಲ್ಲಿನ ಸೋಮನಾಥ ರೆಡ್ಡಿ ಗಣದಿನ್ನಿ ಅವರಿಗೆ ಡಾಕ್ಟರೇಟ್ ಪದವಿ ಪ್ರಕಟಿಸಿದೆ. ಉತ್ತರ ಪ್ರದೇಶದ ಹ್ಯಾಪುರ್‌ದಲ್ಲಿನ ಮೊನಡ್ ವಿವಿಯು ಸೋಮನಾಥ ರೆಡ್ಡಿ ಗಣದಿನ್ನಿ ಅವರು ಸಮಾಜ ಕಾರ್ಯ ವಿಭಾಗದಲ್ಲಿ ಮಂಡಿಸಿದ ಸ್ವ-ಉದ್ಯೋಗ ಮಾಡಲು ಮಹಿಳಾ ಸಬಲೀಕರಣದಲ್ಲಿ ಸ್ತ್ರೀಶಕ್ತಿ ಮತ್ತು ಸ್ವ-ಸಹಾಯ ಗುಂಪುಗಳ ಪಾತ್ರ ವಿಷಯದ ಮೇಲಿನ ಮಹಾಪ್ರಬಂಧ ಮನ್ನಿಸಿ ಈ ಡಾಕ್ಟರೇಟ್ ಪದವಿ ಪ್ರಕಟಿಸಿದೆ. ಗುಲ್ಬರ್ಗ ವಿವಿಯ ಸಮಾಜಶಾಸ್ತ್ರ ವಿಭಾಗದ ಪ್ರೊ. ಡಾ. ನೂಸ್ರತ್ ಫಾತಿಮಾ ಅವರ ಮಾರ್ಗದರ್ಶನದಲ್ಲಿ ಪ್ರಬಂಧ ಮಂಡಿಸಿದ್ದರು.
ಭಾರ ಎಳೆಯುವ ಸ್ಪರ್ಧೆ ನಾಳೆ
ದೇವದುರ್ಗ: ತಾಲೂಕಿನ ಅರಕೇರಾ ಗ್ರಾಮದಲ್ಲಿ ಮುಂಗಾರು ಕಾರಹುಣ್ಣಿಮೆ ಅಂಗವಾಗಿ ಜೂ.24ರಂದು ಎತ್ತುಗಳಿಂದ ಭಾರದ ಕಲ್ಲು ಎಳೆಯುವ ಸ್ಪರ್ಧೆ ಆಯೋಜಿಸಲಾಗಿದೆ. ಗ್ರಾಮದ ಸಂತೆ ಮೈದಾನದಲ್ಲಿ ಅಂದು ಸ್ಪರ್ಧೆ ಆಯೋಜಿಸಲಾಗಿದೆ ಎಂದು ಗ್ರಾಮದ ಮುಖಂಡ ತಿಮ್ಮಪ್ಪನಾಯಕ ಪೊಲೀಸ್ ಪಾಟೀಲ್ ತಿಳಿಸಿದ್ದು, ಉದ್ಘಾಟನೆಯನ್ನು ಸಂಸದ ಬಿ.ವಿ. ನಾಯಕ ನೆರವೇರಿಸಲಿದ್ದು, ಸಣ್ಣ ಕಲ್ಲು ಎಳೆಯುವ ಸ್ಪರ್ಧೆಯಲ್ಲಿ ಪ್ರಥಮ ಸ್ಥಾನ ಗಳಿಸುವವರಿಗೆ 10 ಸಾವಿರ, ದ್ವಿತೀಯ ಬಹುಮಾನ 5 ಸಾವಿರ, ತೃತೀಯ ಬಹುಮಾನ 3 ಸಾವಿರ ನೀಡಲಾಗುತ್ತದೆ. ರೈತರು ಪಾಲ್ಗೊಳ್ಳಲಿದ್ದಾರೆ.