ನಗರದಲ್ಲಿ ಸಾರಿಗೆ ಅದಾಲತ್ 25ಕ್ಕೆ

ರಾಯಚೂರು: ಇಲ್ಲಿನ ಸಾರಿಗೆ ಇಲಾಖೆಯಲ್ಲಿ ಕಾರ್ಯಾಚರಣೆಗಳು ಸುಗಮವಾಗಿ ಸಕಾಲಕ್ಕೆ ನಡೆಸಲು ಅನುಕೂಲವಾಗುವಂತೆ ಸಾರ್ವಜನಿಕರ ಅಹವಾಲು ಆಲಿಸಲು ಜೂ.25ರಂದು ಸಾರಿಗೆ ಅದಾಲತ್ ಆಯೋಜಿಸಲಾಗಿದೆ. ಅಂದು ಬೆಳಗ್ಗೆ 11ಕ್ಕೆ ನಗರದ ಪ್ರಾದೇಶಿಕ ಸಾರಿಗೆ ಕಚೇರಿಯಲ್ಲಿ ಗುಲ್ಬರ್ಗದ ಉಪ ಸಾರಿಗೆ ಆಯುಕ್ತರು ಅದಾಲತ್ ನಡೆಸಲಿದ್ದು, ಮೋಟಾರ್ ವಾಹನ ಮಾಲೀಕರು, ಚಾಲಕರು ಹಾಜರಾಗಿ ಸಲಹೆ ಸೂಚನೆ ನೀಡಲು ಡಿ. ಸಿದ್ದಲಿಂಗೇಶ್ವರ್ ತಿಳಿಸಿದ್ದಾರೆ.


ಮಹಿಳೆಯರ ಶವ ಪತ್ತೆ
ರಾಯಚೂರು: ನಗರದಲ್ಲಿ ಮನೆಯಿಂದ ಕಾಣೆಯಾಗಿದ್ದ ಇಬ್ಬರು ಮಹಿಳೆಯರ ಶವಗಳು ಅನುಮಾನಾಸ್ಪದ ರೀತಿಯಲ್ಲಿ ಬಾವಿಯಲ್ಲಿ ಶುಕ್ರವಾರ ಕೊಳೆತ ಸ್ಥಿತಿಯಲ್ಲಿ ಪತ್ತೆಯಾಗಿವೆ. ಮೃತರನ್ನು ಮಹೇಶ್ವರಿ(21) ಹಾಗೂ ಈರಮ್ಮ(20) ಎಂದು ಗುರುತಿಸಲಾಗಿದೆ. ಇವರು ಕೆಲ ದಿನಗಳ ಹಿಂದೆ ಮನೆಯಿಂದ ಕಾಣೆಯಾದ ಬಗ್ಗೆ ದೂರು ದಾಖಲಾಗಿತ್ತು. ಆನಂತರ ಶೋಧ ಕಾರ್ಯದಲ್ಲಿದ್ದ ಪೊಲೀಸರಿಗೆ ನಗರದ ಅರಬ್ ಮೊಹಲ್ಲಾದ ಬಾವಿಯೊಂದರಲ್ಲಿ ಇಬ್ಬರ ಶವಗಳು ದೊರೆತಿವೆ ಎಂದು ಪೊಲೀಸರು ತಿಳಿಸಿದ್ದಾರೆ. ಈ ಕುರಿತು ಸದರ್ ಬಜಾರ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.