ಕಾರಟಗಿ ರಾಘವೇಂದ್ರಸೇವಾ ಸಮಿತಿ ಸಭೆ

ಕಾರಟಗಿ: ಪಟ್ಟಣದ ಶ್ರೀ ರಾಘವೇಂದ್ರಸ್ವಾಮಿ ಮಠ ಸೇವಾ ಸಮಿತಿಯ ಸಭೆ ಮಠದ ಆವರಣದಲ್ಲಿ ನಡೆಯಿತು. ಸಮಿತಿ ಅಧ್ಯಕ್ಷ ಕೃಷ್ಣಾಚಾರ್ ಇನಾಮದಾರ ನೇತೃತ್ವದಲ್ಲಿ ನಡೆದ ಸಭೆಯಲ್ಲಿ, ಮಠದ ನಿರ್ಮಾಣದ ಕುರಿತು ಚಚಿಸಲಾಯಿತು. ಅಗಸ್ಟ್ 11,12,13ರಂದು ನಡೆಯುವ ರಾಘವೇಂದ್ರ ಸ್ವಾಮಿಗಳ ಆರಾಧನಾ ಮಹೋತ್ಸವವನ್ನು ಮಠ ನಿರ್ಮಾಣದ ಸ್ಥಳದಲ್ಲೆ ಆಚರಿಸಲು ನಿರ್ಧರಿಸಲಾಯಿತು. ಮೂರು ದಿನಗಳ ಆರಾಧನಾ ಮಹೋತ್ಸವ ಹಾಗೂ ಅಗಸ್ಟ್ 14ರಂದು ಸತ್ಯನಾರಾಯಣ ಪೂಜೆ ಹಮ್ಮಿಕೊಂಡಿದ್ದು, ಕಾರಟಗಿ ಸೇರಿದಂತೆ ಸುತ್ತಲಿನ ಗ್ರಾಮಗಳ ಭಕ್ತರು ಪಾಲ್ಗೊಳ್ಳುವಂತೆ ಮಾಡಲು ಸಕಲ ಸಿದ್ಧತೆ ನಡೆಸಲು ಸಭೆಯಲ್ಲಿ ತೀರ್ಮಾನಿಸಲಾಯಿತು.
--