350 ಲೀಟರ್ ಬೆಲ್ಲದ ಕೊಳೆ ವಶ

ಕೋಲಾರ: ಶ್ರೀನಿವಾಸಪುರ ತಾಲೂಕಿನ ಗಡಿ ಭಾಗದ ಕನ್ನಂಪಲ್ಲಿ ಗ್ರಾಮಕ್ಕೆ ಸೇರಿದ ಅರಣ್ಯ ಪ್ರದೇಶದಲ್ಲಿ ರೆಡ್ಡಪ್ಪ ಎಂಬವರು ಕಳ್ಳಭಟ್ಟಿ ಸಾರಾಯಿ ತಯಾರಿಸಲು ಅಕ್ರಮವಾಗಿ ಸುಮಾರು 350 ಲೀಟರ್ ಬೆಲ್ಲದ ಕೊಳೆಯನ್ನು ಶೇಖರಣೆ ಮಾಡಿದ್ದನ್ನು ಅಬಕಾರಿ ಇಲಾಖೆಯವರು ಪತ್ತೆ ಮಾಡಿ ತಮ್ಮ ವಶಕ್ಕೆ ತೆಗೆದುಕೊಂಡಿದ್ದಾರೆ. ಕೋಲಾರ ಜಿಲ್ಲಾ ಅಬಕಾರಿ ಉಪ ಆಯುಕ್ತರಾದ ಹೆಚ್.ವಿ.ಬಾಲಗಂಗಾಧರ ರವರ ಆದೇಶದಂತೆ ವಲಯದ ನಿರೀಕ್ಷಕರಾದ ಡಿ.ಜಯರಾಮ್, ಉಪ ನಿರೀಕ್ಷಕ ಕೆ.ಎಂ.ಕೃಷ್ಣಪ್ಪ, ಅಬಕಾರಿ ರಕ್ಷಕರಾದ ಹೆಂಜಾರಪ್ಪ, ಶ್ರೀನಿವಾಸ್, ಶಿವಪ್ಪ ಮತ್ತು ಗೃಹ ರಕ್ಷಕದಳ ಮನೋಹರ್, ರಾಮಾಂಜನಪ್ಪ, ಕಿಟ್ಟಪ್ಪ,ಶ್ರೀನಿವಾಸ್ ಅವರುಗಳು ದಾಳಿ ನಡೆಸಿದಾಗ ಅಕ್ರಮ ಪತ್ತೆಯಾಗಿದೆ.