ಫೆ.16-17 ರಂದು ಸೂಪರ್ ಸೆವೆನ್ ಪಂದ್ಯಾವಳಿ

ಮಡಿಕೇರಿ: ಮಡಿಕೇರಿಯ ಮ್ಯಾನ್ಸ್ ಕಂಪೌಂಡ್ ಮೈದಾನದಲ್ಲಿ ಫೆ.16 ಮತ್ತು 17 ರಂದು ಸೂಪರ್ ಸೆವೆನ್ ಪಂದ್ಯಾವಳಿ ಆಯೋಜಿಸಲಾಗಿದೆ. ಪಂದ್ಯಾವಳಿಯಲ್ಲಿ ವಿಜೇತರಾಗುವ ತಂಡಕ್ಕೆ ಪಾರಿತೋಷಕ ಹಾಗೂ ರು. 12 ಸಾವಿರ ಪ್ರಥಮ ಬಹುಮಾನ, ದ್ವಿತೀಯ ಸ್ಥಾನ ಪಡೆದ ತಂಡಕ್ಕೆ ಪಾರಿತೋಷಕ ಹಾಗೂ ರು. 6 ಸಾವಿರ ನಗದು ಬಹುಮಾನ ನೀಡಲಾಗುವುದು. ಆಸಕ್ತ ತಂಡಗಳು  ಹೆಚ್ಚಿನ ಮಾಹಿತಿಗಾಗಿ ದೂರವಾಣಿ  ಸಂಖ್ಯೆ 9449767492 ಮತ್ತು 9535418041ನ್ನು ಸಂಪರ್ಕಿಸಬಹುದು.
ವಿವಿಧ ತರಬೇತಿ: ಅರ್ಜಿ ಆಹ್ವಾನ
ಮಡಿಕೇರಿ: ಹಿಂದುಳಿದ ವರ್ಗಗಳ ಕಲ್ಯಾಣ ಇಲಾಖೆಯಿಂದ ಕೊಡಗು ಜಿಲ್ಲೆಯಲ್ಲಿರುವ ಹಿಂದುಳಿದ ವರ್ಗಗಳ ಅರ್ಹ ಅಭ್ಯರ್ಥಿಗಳಿಗೆ 2012-13ನೇ ಸಾಲಿಗೆ ನರ್ಸಿಂಗ್ ಮತ್ತು ಕೌಶಲ್ಯ ಯೋಜನೆಯಡಿ ನೀಡುವ ಪ್ಲಾಸ್ಟಿಕ್ ಪ್ರೊಸೆಸಿಂಗ್ ಟೆಕ್ನಾಲಜಿ ತರಬೇತಿ ಪಡೆಯಲು ಇಚ್ಛೆಯುಳ್ಳ ಅರ್ಹ ಅಭ್ಯರ್ಥಿಗಳಿಂದ ಅರ್ಜಿ ಆಹ್ವಾನಿಸಲಾಗಿದೆ. ಅರ್ಜಿ ಸಲ್ಲಿಸಲು ಜ.30 ಕೊನೆಯ ದಿನ.
ಕೋರ್ಸ್ ವಿವರ: ಇನ್‌ಜೆಕ್ಷನ್ ಮೌಲ್ಡಿಂಗ್ ಮೆಶಿನ್ ಆಪರೇಶನ್ ಆಂಡ್ ಮೈಂಟೆನನ್ಸ್, ವಿದ್ಯಾರ್ಹತೆ ಪಿಯುಸಿ, ಪದವಿ ಹೊಂದಿರಬೇಕು. 18ರಿಂದ 35 ವರ್ಷದೊಳಗಿರಬೇಕು. ತರಬೇತಿ ಅವಧಿ 6 ತಿಂಗಳು. ರು. 22,000 ಆದಾಯ ಮಿತಿಯೊಳಗಿರಬೇಕು.
ಮೌಲ್ಡ್ ಮೇಕಿಂಗ್ ಟೆಕ್ನಾಲಜಿ: ವಿದ್ಯಾರ್ಹತೆ ಎಸ್‌ಎಸ್‌ಎಲ್‌ಸಿ/ ಪದವಿ ಹೊಂದಿರಬೇಕು. 18ರಿಂದ 35 ವರ್ಷದೊಳಗಿರಬೇಕು. ತರಬೇತಿ ಅವಧಿ 6 ತಿಂಗಳು. ರು. 22,000 ಆದಾಯ ಮಿತಿಯೊಳಗಿರಬೇಕು.
ನರ್ಸಿಂಗ್: ವಿದ್ಯಾರ್ಹತೆ ಎಸ್‌ಎಸ್‌ಎಲ್‌ಸಿ/ ಪಿಯುಸಿ/ ಪದವಿ ಹೊಂದಿರಬೇಕು. 17ರಿಂದ 25 ವರ್ಷದೊಳಗಿರಬೇಕು. ರು. 1 ಲಕ್ಷ ಆದಾಯ ಮಿತಿಯೊಳಗಿರಬೇಕು.
ಹೆಚ್ಚಿನ ಮಾಹಿತಿಗಾಗಿ ಜಿಲ್ಲಾ ಅಧಿಕಾರಿಗಳ ಕಚೇರಿ, ಹಿಂದುಳಿದ ವರ್ಗಗಳ ಮತ್ತು ಅಲ್ಪಸಂಖ್ಯಾತರ ಕಲ್ಯಾಣ ಇಲಾಖೆ, ದೇವರಾಜ ಅರಸು ಭವನ, ಜನರಲ್ ತಿಮ್ಮಯ್ಯ ಕ್ರೀಡಾಂಗಣ, ಮ್ಯಾನ್ಸ್ ಕಂಪೌಂಡ್ ಹತ್ತಿರ, ಕೊಡಗು ಜಿಲ್ಲೆ, ಮಡಿಕೇರಿ ಕಚೇರಿ ಅಥವಾ ದೂ. ಸಂಖ್ಯೆ -08272225628 ಸಂಪರ್ಕಿಸಿ.