ಪ್ರತ್ಯೇಕ ಅಪಘಾತ: ಮೂವರ ಸಾವು

ಹಾಸನ: ಜಿಲ್ಲೆಯಲ್ಲಿ ಇತ್ತೀಚೆಗೆ ನಡೆದ ಪ್ರತ್ಯೇಕ ಅಪಘಾತ ಪ್ರಕರಣಗಳಲ್ಲಿ ಮೂವರು  ಸಾವನ್ನಪ್ಪಿದ್ದಾರೆ.
 ಕಾರು ಡಿಕ್ಕಿ ಪಾದಚಾರಿ ಸಾವನ್ನಪ್ಪಿದ ಘಟನೆ  ಹಾಸನ ತಾಲೂಕಿನ ಹೆಗ್ಗಿಡಿಹಳ್ಳಿ ಗ್ರಾಮದ ಸ್ತ್ರೀಶಕ್ತಿ ಸ್ವಸಹಾಯ ಸಂಘದ ಮನೆಯ ಬಳಿ  ನಡೆದಿದೆ. ಶಾಂತಿಗ್ರಾಮ ಹೋಬಳಿಯ ಹೆಗ್ಗಡಿಹಳ್ಳಿ ಗ್ರಾಮದ ಬಾಲಕೃಷ್ಣ ಎಂಬವರೇ ಮೃತಪಟ್ಟ ದುರ್ದೈವಿ. ಈ ಬಗ್ಗೆ  ಶಾಂತಿಗ್ರಾಮ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಬೈಕ್ ಸವಾರ ಸಾವು: ಮತ್ತೊಂದು ಪ್ರಕರಣದಲ್ಲಿ ಬೈಕ್‌ಗಳ ಮುಖಾ-ಮುಖಿ ಡಿಕ್ಕಿ  ಸಂಭವಿಸಿದ್ದು ಒಬ್ಬ ಮೃತಪಟ್ಟು, ಮತ್ತಿಬ್ಬರು ಗಾಯಗೊಂಡ ಘಟನೆ ಅರಸೀಕೆರೆ ತಾಲೂಕಿನ ಬಾಣಾವರ ಹೋಬಳಿಯ ಉಪ್ಪಿನಹಳ್ಳಿ ಗೇಟ್ ಬಳಿ ನಡೆದಿದೆ.
 ಮಂಡ್ಯ ಜಿಲ್ಲೆಯ ಶ್ರೀರಂಗಪಟ್ಟಣ ತಾಲೂಕಿನ  ಗಂಜಾಮ್ಬುಡಾವಣೆ ವಾಸಿ  ದೀಪಕ್  (23) ಎಂಬವರೇ ಮೃತಪಟ್ಟ ದುರ್ದೈವಿ.
ಲಾರಿ- ಆಟೋ ಡಿಕ್ಕಿ: ಮಂದು ಪ್ರಕರಣದಲ್ಲಿ  ಟಿಂಬರ್ ಲಾರಿ-ಆಟೋ ನಡುವೆ ಸಂಭವಿಸಿದ ಅಪಘಾತದಲ್ಲಿ ಆಟೋ ಚಾಲಕ ಮೃತಪಟ್ಟ ಘಟನೆ ಚನ್ನರಾಯಪಟ್ಟಣ ತಾಲೂಕಿನ ಶೆಟ್ಟಿಹಳ್ಳಿ ಗ್ರಾಮದ ಶೆಟ್ಟಾಳಮ್ಮ ದೇವಸ್ಥಾನದ ಸಮೀಪ ನಡೆದಿದೆ. ಗೌಡಗೆರೆ ಗ್ರಾಮದ ಬಸವೇಗೌಡ (32) ಮೃತಪಟ್ಟ ಚಾಲಕ.
ಜೂಜಾಡುತ್ತಿದ್ದ 10 ಮಂದಿ ಬಂಧನ:
 ಹಾಸನ ತಾಲೂಕಿನ ಶಾಂತಿಗ್ರಾಮ ಹೋಬಳಿಯ ಜುಂಜನಹಳ್ಳಿ ಗ್ರಾಮದ ಬಸವೇಶ್ವರ ದೇವಸ್ಥಾನದ ಹತ್ತಿರ ಹುಣಸೆ ಮರದ ಕೆಳಗೆ ಅಂದರ್ ಬಾಹರ್ ಜೂಜಾಡುತ್ತಿದ್ದ 10 ಮಂದಿಯನ್ನು ಪೊಲೀಸರು ಬಂಧಿಸಿ, 2,300 ರು. ನಗದನ್ನು ವಶಪಡಿಸಿಕೊಂಡಿರುವ ಘಟನೆ ಇತ್ತೀಚೆಗೆ ನಡೆದಿದೆ.
 ಜುಂಜಹಳ್ಳಿ ಗ್ರಾಮದವರಾದ ಪ್ರವೀಣ, ಪಾಪಣ್ಣ, ಮಲ್ಲಿಕಾರ್ಜುನ,  ದಿನೇಶ್, ಕುಮಾರಸ್ವಾಮಿ, ಧರ್ಮ, ರಂಗಸ್ವಾಮಿ, ಹರೀಶ್, ನಾಗೇಂದ್ರ, ರಾಜು ಬಂಧಿತ ಆರೋಪಿಗಳು.  
ಅಕ್ರಮ ಮದ್ಯ: ಒಬ್ಬನ ಬಂಧನ: ಅರಸೀಕೆರೆಯ ಹೊನ್ನಕಟ್ಟೆ ಗ್ರಾಮದ ತಿಮ್ಮಾಬೋವಿ ಅಂಗಡಿಯ ಮುಂದೆ ಕುಳಿತ್ತಿದ್ದ ಸಾರ್ವಜನಿಕರಿಗೆ ಅಕ್ರಮವಾಗಿ ಮದ್ಯವನ್ನು ಪೂರೈಸುತ್ತಿದ್ದ ಆರೋಪದ ಮೇಲೆ ಬಾಣಾವರ ಪೊಲೀಸ್ ಠಾಣೆ ಪಿಎಸ್‌ಐ ಹೆಚ್.ಎನ್. ಬಾಲು ಮತ್ತು ಸಿಬ್ಬಂದಿಗಳು ಸ್ಥಳಕ್ಕೆ ತೆರಳಿ ಆರೋಪಿಯನ್ನು ಬಂಧಿಸಿದ್ದಾರೆ.  ಮಾರಾಟಕ್ಕಿಟ್ಟಿದ್ದ ಸುಮಾರು 560 ಮೌಲ್ಯದ ಮದ್ಯ ವಶಪಡಿಸಿಕೊಳ್ಳಲಾಗಿದೆ.
ಯುವಕ ನಾಪತ್ತೆ: ಸಕಲೇಶಪುರದ ಕುಶಾಲನಗರ ಬಡಾವಣೆಯ ಬಿಲಾಲ್ ಮಸೀದಿ ರಸ್ತೆ ವಾಸಿ ರೆಹಮಾನ್ ಅಲಿಯಾಸ್ ಆಜಂ (23) ಜು.18ರಂದು ಅಂಗಡಿಯಲ್ಲಿ ಬಾಳೆಹಣ್ಣು ತರುವುದಾಗಿ ಹೇಳಿ ಹೋದವನು ಹಿಂತಿರುಗಿಲ್ಲ. ಸಕಲೇಶಪುರ ಪಟ್ಟಣ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.