ದಂಡಿಗನ ಹೋಬಳಿ: 2650 ಮನೆ ಮಂಜೂರು

ಕನ್ನಡಪ್ರಭವಾರ್ತೆ೤ ಚನ್ನರಾಯಪಟ್ಟಣ ೤ ಮಾ.16
ಹೊಳೆನರಸೀಪುರ ವಿಧಾನಸಭಾ ಕ್ಷೇತ್ರದಲ್ಲಿ ವಸತಿ ರಹಿತರಿಗೆ ಮನೆಗಳನ್ನು ನೀಡುವ ಉದ್ದೇಶದಿಂದ ದಂಡಿಗನಹಳ್ಳಿ ಹೋಬಳಿಗೆ 2650 ಮನೆಗಳನ್ನು ಮಂಜೂರು ಮಾಡಿಸಲಾಗಿದೆ ಎಂದು ಜೆಡಿಎಲ್‌ಪಿ ನಾಯಕ ಎಚ್.ಡಿ ರೇವಣ್ಣ ತಿಳಿಸಿದರು.
ಪಟ್ಟಣದ ಸರ್ಕಾರಿ ನೌಕರರ ಭವನದಲ್ಲಿ ಒಂದು ಸಾವಿರ ಫಲಾನುಭವಿಗಳಿಗೆ ಮಂಜೂರಾತಿ ಪತ್ರ ವಿತರಣೆ ಮಾಡಿ ಮಾತನಾಡಿದ ಅವರು, ಹೋಬಳಿಯಲ್ಲಿ ಯಾರೂ ಕೂಡ ಮನೆಯಿಲ್ಲ ಎಂದು ಹೇಳದಂತೆ ಎಲ್ಲಾ ಗ್ರಾಮಗಳಿಗೂ ಮನೆಗಳನ್ನು ವಿತರಣೆ ಮಾಡಿಲ್ಲ ಎಂದು ತಿಳಿಸಿದರು.
ದಂಡಿಗನಹಳ್ಳಿ ಹೋಬಳಿಯಲ್ಲಿ ಮನೆ ನೀಡುವಂತೆ 150 ಅರ್ಜಿ ಸಲ್ಲಿಸಿದ್ದು, ಮುಂದಿನ ದಿನಗಳಲ್ಲಿ ಅವುಗಳನ್ನು ನೀಡಲಾಗುವುದು. ಹಾಗೂ ಹೋಬಳಿಯ ಕೆಲ ಗ್ರಾಮಗಳಿಗೆ ಕುಡಿಯುವ ನೀರು ನೀಡುವ ಉದ್ದೇಶ ಹೊಂದಲಾಗಿದೆ ಎಂದು ಹೇಳಿದರು. ರಾಜ್ಯದಲ್ಲಿ ಜೆಡಿಎಸ್ ಸರ್ಕಾರ ಆಡಳಿತಕ್ಕೆ ಬಂದರೆ ವೃದ್ಧಾಪ್ಯ ವೇತನವನ್ನು 400 ರು. ರಿಂದ 1500 ರು.ಗೆ ಹಾಗೂ ಅಂಗವಿಕಲರಿಗೆ ಒಂದು ಸಾವಿರದಿಂದ 2500 ರು.ಗಳಿಗೆ ಏರಿಸಲಾಗುವುದು ಎಂದರು.
 ಕೇಂದ್ರ ಸರ್ಕಾರ ಖಾತ್ರಿ ಯೋಜನೆಗೆ ಹಣ ಮಂಜೂರಾತಿ ನೀಡದೆ ಕೂಲಿ ಕಾರ್ಮಿಕರಿಗೆ ಅನ್ಯಾಯ ಮಾಡಿದ್ದು, ಜಿಲ್ಲೆಗೆ 30 ಕೋಟಿ ರು. ನೀಡಬೇಕಾಗಿದೆ ಎಂದರು. ತಾಪಂ ಅಧ್ಯಕ್ಷೆ ಹೇಮಾವತಿ, ಜಿಪಂ ಸದಸ್ಯ ಶಿವಶಂಕರ್‌ಕುಂಠೆ, ದ್ಯಾವೇಗೌಡ, ನಿಂಗರಾಜಪ್ಪ ಇದ್ದರು.