ಅತ್ಯಾಚಾರಕ್ಕೆ ಎಬಿವಿಪಿ ಖಂಡನೆ

ಸುರಪುರ: ರಾಜ್ಯದ ವಿವಿಧೆಡೆ ಮಹಿಳೆಯರ ಮೇಲಾಗುತ್ತಿರುವ ಅತ್ಯಾಚಾರ ಹಾಗೂ ಲೈಂಗಿಕ ಕಿರುಕುಳ ಖಂಡಿಸಿ ಎಬಿವಿಪಿ ನೇತೃತ್ವದಲ್ಲಿ ವಿದ್ಯಾರ್ಥಿಗಳು ಇಲ್ಲಿನ ಗಾಂಧಿ ವೃತ್ತದಲ್ಲಿ ಪ್ರತಿಭಟನೆ ನಡೆಸಲಾಯಿತು.
ತಹಸೀಲ್ದಾರ್ ಅರುಣಕುಮಾರ ಕುಲಕರ್ಣಿ ಮೂಲಕ ಮುಖ್ಯಮಂತ್ರಿಗಳಿಗೆ ಮನವಿ ಸಲ್ಲಿಸಲಾಯಿತು.
ಇತ್ತೀಚಿನ ದಿನಗಳಲ್ಲಿ ರಾಜ್ಯದಲ್ಲಿ ಮಹಿಳೆಯರು ಅತ್ಯಾಚಾರಕ್ಕೆ ಒಳಗಾಗುತ್ತಿದ್ದು, ಕಾಮುಕರ ಅಟ್ಟಹಾಸ ಮೆರೆದಿದೆ. ಸರ್ಕಾರ ಸಂಪೂರ್ಣ ವಿಫಲವಾಗಿದ್ದು, ಒಂಟಿ ಮಹಿಳೆಯರು ಓಡಾಡಲು ಭಯಭೀತರಾಗಿದ್ದಾರೆ. ಕೂಡಲೆ ಸರ್ಕಾರ ಆರೋಪಿಗಳನ್ನು ಕಠಿಣ ಶಿಕ್ಷೆಗೆ ಗುರಿಪಡಿಸಬೇಕು. ಇಲ್ಲದಿದ್ದಲ್ಲಿ ರಾಜ್ಯಾದ್ಯಂತ ಸಂಘಟನೆ ಹೋರಾಟಕ್ಕಿಳಿಯಲಿದೆ ಎಂದು ಎಬಿವಿಪಿ ನಗರ ಅಧ್ಯಕ್ಷ ಶರಣುನಾಯಕ ಎಚ್ಚರಿಕೆ ನೀಡಿದರು.
ಭಜರಂಗ ದಳದ ಪ್ರಮುಖ ಅನಿಲ್, ವಿಶ್ವ ಹಿಂದೂ ಪರಿಷತ್ನ ನಾಗರಾಜ, ಪ್ರಮುಖರಾದ ಲಕ್ಷ್ಮೀಕಾಂತ ದೇವರಗೋನಾಲ ಉಪೇಂದ್ರನಾಯಕ ಸುಬೇದಾರ್, ರಮೇಶಗೌಡ, ಪವನಕುಮಾರ ಪೂಜಾರಿ, ಅಂಬ್ರೇಶ ಸೇರಿ ವಿದ್ಯಾರ್ಥಿನಿಯರು ಮಾತನಾಡಿದರು.
ಯಲ್ಲಪ್ಪ ಡೊಣ್ಣಿಗೇರಾ, ಭಾಗಣ್ಣ ಹೂಗಾರ, ವಾಸು, ಶಿವರಾಜ, ರವಿ ಚಕ್ಕನಳ್ಳಿ ಸೇರಿ ವಿದ್ಯಾರ್ಥಿಗಳು ಭಾಗವಹಿಸಿದ್ದರು.