ಆಳಂದನಲ್ಲೂ ಪ್ರತಿಭಟನೆ

ಆಳಂದ: ದಿನ ಬಳಕೆ ವಸ್ತುಗಳ ಬೆಲೆ ಏರಿಕೆ ತಡೆ ಸೇರಿದಂತೆ ಕೇಂದ್ರ ಸರ್ಕಾರದ ಕೆಲವು ನಿರ್ಧಾರಗಳನ್ನು ಖಂಡಿಸಿ ದೇಶಾದ್ಯಂತ ಬುಧವಾರ ಕಾರ್ಮಿಕ ಸಂಘಟನೆಗಳ ಜಂಟಿ ಸಮಿತಿಯ ಕರೆಗೆ ನಡೆದ ಮುಷ್ಕರಕ್ಕೆ ಬೆಂಬಲಿಸಿ ಪಟ್ಟಣದಲ್ಲೂ ಬೃಹತ್ ಪ್ರತಿಭಟನೆ ಕೈಗೊಳ್ಳಲಾಯಿತು.
ಬಸ್ ನಿಲ್ದಾಣ ಮೂಲಕ ಆರಂಭಿಸಿದ ಪ್ರತಿಭಟನೆ ಪ್ರಮುಖ ರಸ್ತೆಗಳ ಮೂಲಕ ಸಾಗಿ ತಹಸೀಲ್ದಾರ್ ಕಚೇರಿಯ ಬಳಿ ಮುಕ್ತಾಯಗೊಳಿಸಿ ಬೇಡಿಕೆ ಈಡೇರಿಸುವಂತೆ ಆಗ್ರಹಿಸಿದರು.
ಅಂಗನವಾಡಿ ಕಾರ್ಯಕರ್ತೆಯರ ಸಂಘದ ಅಧ್ಯಕ್ಷೆ ಪುಷ್ಪಾವತಿ ಚಟ್ಟಿ, ಅಕ್ಷರ ದಾಸೋಹ ನೌಕರರ ಸಂಘದ ಅಧ್ಯಕ್ಷೆ ರೇಖಾ ಸುತಾರ, ಪ್ರಾಂತ ರೈತ ಸಂಘದ ಕಾರ್ಯದರ್ಶಿ ಪಾಂಡರಂಗ ಮಾವಿನಕರ್, ಅಶೋಕ ಚಟ್ಟಿ, ಜನವಾದಿ ಮಹಿಳಾ ಸಂಘಟನೆಯ ಜಿಲ್ಲಾ ಅಧ್ಯಕ್ಷೆ ಶಶಿಕಲಾ ಪಾಟೀಲ, ನಾಗೇಂದ್ರಮ್ಮ ಗುತ್ತೇದಾರ, ಮಹಾದೇವಿ ನಿಂಬಾಳ, ಚಂದ್ರಕಲಾ ಜಿರೋಳಿ, ವಿಜಯ ತಡಕಲ, ಮಹಾದೇವಿ ಅಳಂದ ಸೇರಿದಂತೆ ನೂರಾರು ಮಹಿಳೆಯರು ಮತ್ತಿತರ ಸಂಘಟನೆಗಳ ಮುಖಂಡರು ಭಾಗವಹಿಸಿದ್ದರು.
ಪ್ರಮುಖರು ಮಾತನಾಡಿ, ಚಿಲ್ಲರೆ ವ್ಯಾಪಾರದಲ್ಲಿ ವಿದೇಶಿ ನೇರ ಬಂಡವಾಳ ಕೈಬಿಡಬೇಕು. ಎಲ್ಲಾ ದಿನಗೂಲಿ ನೌಕರರಿಗೆ ಕಾಯಂಗೊಳಿಸಬೇಕು. ಕನಿಷ್ಠ ವೇತನ, ಎಲ್ಲರಿಗೂ ರೇಷನ್ ಕಾರ್ಡ್, ಅಹಾರ ಹಕ್ಕು ಅಂಗನವಾಡಿ, ಅಕ್ಷರದಾಸೋಹ, ಆಶಾ ಕಾರ್ಯಕರ್ತೆಯರು, ಗ್ರಾಪಂ ನೌಕರರಿಗೆ ಕಾಯಂಗೊಳಿಸಬೆಕು.
ನೀರಾವರಿ ತಜ್ಞಾರಾದ ಡಾ. ಜಿ.ಎಸ್. ಪರಮಶಿವಯ್ಯ ರೂಪಿಸಿರುವ ಶಶ್ವತ ನೀರಾವರಿ ಯೋಜನೆ ಜಾರಿಮಾಡಬೇಕು ಎಂಬ ಮತ್ತಿತರ ಪ್ರಮುಖ ಬೇಡಿಕೆಗಳಿಗೆ ಒತ್ತಾಯಿಸಿದರು. ಎಂದಿನಂತೆ ಸಾರ್ವಜನಿಕರ ವ್ಯವಹಾರಕ್ಕೆ ತೊಂದರೆಯಾಗದೆ ಸುಗಮವಾಗಿ ನಡೆಯಿತು.