ಅಂಜನಾದ್ರಿಗೆ ಪಾದಯಾತ್ರೆ

ಅಂಜನಾದ್ರಿಗೆ ಪಾದಯಾತ್ರೆಗದಗ: ತಾಲೂಕಿನ ಕೋಟುಮಚಗಿ ಗ್ರಾಮದ ವಿಶ್ವಹಿಂದೂ ಪರಿಷತ್ ಮತ್ತು ಭಜರಂಗದಳದ ಕಾರ್ಯಕರ್ತರು ಗುರುವಾರ ಸಂಜೆ ಹಂಪಿ ಸಮೀಪದಲ್ಲಿರುವ ಹನುಮಂತನ ಜನ್ಮಸ್ಥಳ ಅಂಜನಾದ್ರಿ ಪರ್ವಕ್ಕೆ ಪಾದಯಾತ್ರೆ ಕೈಗೊಂಡರು.
ಉತ್ತರ ಕರ್ನಾಟಕ ವಿಶ್ವಹಿಂದೂ ಪರಿಷತ್ ಮತ್ತು ಭಜರಂಗದಳದ ನೇತೃತ್ವದಲ್ಲಿ ನಡೆಯುತ್ತಿರುವ ಹನುಮ ಮಾಲಾ ಕಾರ್ಯಕ್ರಮದಲ್ಲಿ ಭಾಗವಹಿಸಿರುವ ಕೋಟುಮಚಗಿ ಮಾಲಾಧಾರಿಗಳು ಜ. 18ರಿಂದ ವ್ರತಾಚರಣೆ ಕೈಗೊಂಡು ಜ. 27ಕ್ಕೆ ಅಂಜನಾದ್ರಿ ಪರ್ವತದಲ್ಲಿ ನಡೆಯುವ ವಿಶೇಷ ಧಾರ್ಮಿಕ ಕಾರ್ಯಕ್ರಮದಲ್ಲಿ ಭಾಗವಹಿಸಿ ನಂತರ ಸ್ವಸ್ಥಾನಕ್ಕೆ ಬಂದು ಮಾಲೆಯನ್ನು ವಿಸರ್ಜಿಸಿ ವ್ರತವನ್ನು ಮುಕ್ತಾಯಗೊಳಿಸುವರು.
  ಪಾದಯಾತ್ರೆಗೆ ಗದಗ ಜಿಲ್ಲಾ ವಿಶ್ವ ಹಿಂದೂ ಪರಿಷತ್ ಕಾರ್ಯದರ್ಶಿ ಶ್ರೀಧರ ಕುಲಕರ್ಣಿ ಹಾಗೂ ಗದಗ ಜಿಲ್ಲಾ ಭಜರಂಗದಳ ಸಂಯೋಜಕ ಮಾರುತಿ ಪವಾರ ಚಾಲನೆ ನೀಡಿದರು. ಗುರುವಾರ ಬೆಳಗ್ಗೆ ಗ್ರಾಮದೇವತೆ ದುರ್ಗಾದೇವಿ, ಸೋಮೇಶ್ವರ, ಜಿಂದಾಶಾವಲಿ ದರ್ಗಾ, ವೀರಭದ್ರೇಶ್ವರ, ಶರಣಬಸವೇಶ್ವರ, ಕಲ್ಲಿನಾಥೇಶ್ವರ ದೇವಸ್ಥಾನಗಳಿಗೆ ತೆರಳಿ ವಿಶೇಷ ಪೂಜೆ ಸಲ್ಲಿಸಲಾಯಿತು. ಗ್ರಾಮದ ಹಿರಿಯರಾದ ಆರ್.ವಿ. ಕುಲಕರ್ಣಿ, ವಿಶ್ವಹಿಂದೂ ಪರಿಷತ್ ಗ್ರಾಮಘಟಕದ ಗೌರವಾಧ್ಯಕ್ಷ ದೇವಪ್ಪ ಕಾಡರ, ಸುಗಂಧಪ್ಪ ಬಡಿಗೇರ, ರಂಗಪ್ಪ ತಳವಾರ, ಆನಂದ ಕಟಗಳ್ಳಿ, ಹನುಮಂತ ಅಬ್ಬಿಗೇರಿ, ಸಿದ್ದಪ್ಪ ಗೊಡಚಪ್ಪನವರ, ಮಾಲಾಧಾರಿಗಳಾದ ಶರಣಪ್ಪ ಕಾಡರ, ಮಹದೇವಗೌಡ ಸಂಕನಗೌಡ್ರ, ಸುರೇಶ ಮೀಸಿ, ನವೀನ ಪಾಟೀಲ, ಜಗದೀಶ ಚಿಂಚಲಿ, ಕಳಕೇಶ ಗಡಾದ, ಸತೀಶ ಕಿತ್ತೂರ, ಈರಣ್ಣ ಹೂಗಾರ, ಮುತ್ತಪ್ಪ ಬೂನಕೊಪ್ಪ, ಶಿವು ಹುಯಿಲಗೋಳ ಉಪಸ್ಥಿತರಿದ್ದರು.