11ರಂದು ಕುರುಬ ಸಮಾಜ ಸಭೆ

ನರಗುಂದ: ಬಹು ದಿನಗಳಿಂದ ತಾಲೂಕಿನಲ್ಲಿ ಕುರಬ ಸಮಾಜ ಆರ್ಥಿಕ, ಶೈಕ್ಷಣಿಕ, ಸಾಮಾಜಿಕವಾಗಿ ಹಿಂದುಳಿದಿದ್ದು, ಸಮಾಜದ ಅಭಿವೃದ್ಧಿಗೆ ಚಿಂತನೆ ಅವಶ್ಯ ಎಂದು ಸಮಾಜದ ಮುಖಂಡ ಎಂ.ಎಂ. ಮುಳ್ಳೂರ ಹೇಳಿದರು. ಅವರು ಬುಧವಾರ ಪಟ್ಟಣದಲ್ಲಿ ಏರ್ಪಡಿಸಿದ್ದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದರು. ತಾಲೂಕಿನಲ್ಲಿ ಅತೀ ಹೆಚ್ಚು ಜನಸಂಖ್ಯೆ ಹೊಂದಿದ ಕುರಬ ಸಮುದಾಯ ಆರ್ಥಿಕ, ಸಾಮಾಜಿಕ, ಶೈಕ್ಷಣಿಕವಾಗಿ ಹಿಂದುಳಿದಿದೆ. ಈ ಬಗ್ಗೆ ಇದೇ ತಿಂಗಳ 11ರಂದು ದಂಡಿನ ಮೆಮೋರಿಯಲ್ ಆವರಣದಲ್ಲಿ ಸಭೆ ಕರೆಯಲಾಗಿದ್ದು, ಸಮಾಜದ ಅಭಿವೃದ್ಧಿಗೆ ಮತ್ತು ಕನಕ ಜಯಂತಿ ಕುರಿತು ಚರ್ಚಿಸಲಾಗುವುದು. ಕಾರಣ ಈ ಪೂರ್ವಭಾವಿ ಸಭೆಗೆ ಸಮಾಜ ಬಾಂಧವರು, ಯುವಕರು, ಆಗಮಿಸಿ ಸಲಹೆ ಸೂಚನೆ ನೀಡಬೇಕೆಂದರು. ಈ ಸಂದರ್ಭದಲ್ಲಿ ಸಿ.ವೈ. ದಂಡಿನ, ಅಖಂಡಪ್ಪ ಮುರಾರಿ, ಬಾಬು ಹಿರೇಹೊಳಿ, ಬಸವರಾಜ ನರಗುಂದ, ದ್ಯಾಮಣ್ಣ ಸವದತ್ತಿ, ನೀಲಪ್ಪ ಗುಡದನ್ನವರ, ಅರ್ಜುನ ಈಟಿ ಮುಂತಾದವರು ಉಪಸ್ಥಿತರಿದ್ದರು.