ಇಂದು ಗ್ರಂಥ ಬಿಡುಗಡೆ

ನರಗುಂದ: ಪಟ್ಟಣದ ಬಸವೇಶ್ವರ ಸಮುದಾಯ ಭವನ ಆವರಣದಲ್ಲಿ ಫೆ. 6ರ ಸಂಜೆ 7 ಗಂಟೆಗೆ ನೀಲಿ ಕುದುರೆ ನಾಟಕ ಪ್ರದರ್ಶನ ಹಾಗೂ ನರಗುಂದ ಕುರಿತು ಜಾನಪದ ಗೀತೆಯ ಗ್ರಂಥ ಬಿಡುಗಡೆ ಸಮಾರಂಭ ನಡೆಯಲಿದೆ. ಶಾಂತಲಿಂಗ ಶ್ರೀಗಳು ಸಾನ್ನಿಧ್ಯ ವಹಿಸುವರು. ವಾಯವ್ಯ ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆ ಅಧ್ಯಕ್ಷ ಎಂ.ಎಸ್. ಕರಿಗೌಡ್ರ, ಚನ್ನಬಸಪ್ಪ ಕಂಠಿ, ಡಾ. ಶಿವಾನಂದ ಗಾಳಿ, ಡಾ. ಅರ್ಜುನ ಗೊಳಸಂಗಿ, ಜಿಪಂ ಅಧ್ಯಕ್ಷ ಎಂ.ಎಸ್. ಪಾಟೀಲ, ಸಿ.ಎಚ್. ಕೋರಿ, ಜಿ.ಬಿ. ಕುಲಕರ್ಣಿ, ರಮೇಶಗೌಡ ಕರಕನಗೌಡ್ರ, ಬಸವಕೇಂದ್ರ ಮತ್ತು ಮುರುಘರಾಜೇಂದ್ರ ಫ್ರೀ ಬೋರ್ಡಿಂಗ್ ಟ್ರಸ್ಟ್‌ನ ಅಧ್ಯಕ್ಷರು, ಪದಾಧಿಕಾರಿಗಳು ಭಾಗವಹಿಸುವರು ಎಂದು ಪ್ರಕಟಣೆ ತಿಳಿಸಿದೆ.
ಇಂದು ಕಾನೂನು ಸಾಕ್ಷರತಾ ಕಾರ್ಯಕ್ರಮ
ನರಗುಂದ: ಪಟ್ಟಣದ ಸರ್ಕಾರಿ ಹೆಣ್ಣು ಮಕ್ಕಳ ಪ್ರೌಢಶಾಲೆಯಲ್ಲಿ ವಿದ್ಯಾರ್ಥಿಗಳಿಗೆ ತಾಲೂಕು ಕಾನೂನು ಸೇವೆಗಳ ಸಮಿತಿ ಆಶ್ರಯದಲ್ಲಿ ಫೆ. 6ರಂದು ಕಾನೂನು ಅರಿವು ಕುರಿತು ಸಾಕ್ಷರತಾ ಕಾರ್ಯಕ್ರಮ ಏರ್ಪಡಿಸಲಾಗಿದೆ.
ಜಿಲ್ಲಾ ನ್ಯಾಯಾಧೀಶ ಟಿ.ಎಚ್. ಆವೀನ, ಪಿ.ಎಫ್. ಸೋಲಾಪುರಿ, ದಿವಾಣಿ ನ್ಯಾಯಾಧೀಶ ಎಲ್.ಆರ್. ಕುರಣೆ, ನ್ಯಾಯವಾದಿ ಬಿ.ಎಸ್. ಪಾಟೀಲ, ಎಂ.ಟಿ. ಪಾಟೀಲ, ಎಫ್.ವೈ. ದೊಡಮನಿ, ಸಿಪಿಐ ಪ್ರಶಾಂತ ಸಿದ್ದನಗೌಡ್ರ, ಶಿಕ್ಷಣಾಧಿಕಾರಿ ಬಿ.ವಿ. ಪಾಟೀಲ, ತಾಲೂಕು ನ್ಯಾಯವಾದಿಗಳ ಸಂಘದ ಅಧ್ಯಕ್ಷ ಎಂ.ಟಿ. ಅಸೂಟಿ, ವಿ.ಎಸ್.ದೇಶಪಾಂಡೆ, ಬಿ.ಎನ್. ಬೋಸಲೆ, ಎಸ್.ಕೆ. ಹರಪನಹಳ್ಳಿ, ವಿ.ಎಸ್. ದೇಶಪಾಂಡೆ ಭಾಗವಹಿಸುವರು ಎಂದು  ಪ್ರಕಟಣೆ ತಿಳಿಸಿದೆ.