ಮಹಾಂತ ಶ್ರೀ ಲಿಂಗೈಕ್ಯ: ಶ್ರದ್ಧಾಂಜಲಿ

ಕನ್ನಡಪ್ರಭ ವಾರ್ತೆ, ಲಕ್ಷ್ಮೇಶ್ವರ, ಫೆ. 4
ಹರಿಹರದ ಪಂಚಮಸಾಲಿ ಪೀಠದ ಸ್ಥಿರ ಪಟ್ಟಾಧ್ಯಕ್ಷರಾದ ಮಹಾಂತ ಸ್ವಾಮೀಜಿ ಲಿಂಗೈಕ್ಯರಾದ ಪ್ರಯುಕ್ತ ಸೋಮವಾರ ಸಮೀಪದ ಗೊಜನೂರು ಗ್ರಾಮದಲ್ಲಿ ಶ್ರದ್ಧಾಂಜಲಿ ಸಲ್ಲಿಸಲಾಯಿತು.
ಈ ಸಂದರ್ಭದಲ್ಲಿ ಲಕ್ಷ್ಮೇಶ್ವರ ಪೀಕಾರ್ಡ್ ಬ್ಯಾಂಕಿನ ಅಧ್ಯಕ್ಷ ಎಸ್.ಪಿ. ಪಾಟೀಲ್ ಮಾತನಾಡಿ, ಸಮಾಜದ ಸಂಘಟನೆಯಲ್ಲಿ ಹರಿಹರ ಪೀಠದ ಶ್ರೀಗಳು ಮಹತ್ತರ ಕಾರ್ಯ ಮಾಡಿದ್ದು, ಪಂಚಮಸಾಲಿ ಸಮಾಜಕ್ಕೆ ಅವರ ಸೇವೆ ಅವಿಸ್ಮರಣೀಯ.
ಅವರು ಹಾಕಿ ಕೊಟ್ಟ ಸನ್ಮಾರ್ಗದಲ್ಲಿ ನಮ್ಮ ಸಮಾಜವು ಸಾಗಿ ಶ್ರೀಗಳು ಕಂಡ ಕನಸನ್ನು ನನಸಾಗಿಸುವ ಮೂಲಕ ಅವರ ದಾರಿಯಲ್ಲಿ ಸಾಗೋಣ. ಭಗವಂತನು ಶ್ರೀಗಳ ಆತ್ಮಕ್ಕೆ ಚಿರಶಾಂತಿ ನೀಡಿಲಿ ಎಂದು ಪ್ರಾರ್ಥಿಸಿದರು. ಶಿರಹಟ್ಟಿ ತಾಲೂಕು ವೀರಶೈವ ಪಂಚಮಸಾಲಿ ಸಮಾಜದ ಗೌರವಾಧ್ಯಕ್ಷ ಸೋಮಣ್ಣ ಮುಳಗುಂದ, ತಾಲೂಕು ಕಾರ್ಯದರ್ಶಿ ಶಿವಾನಂದ ದೇಸಾಯಿ, ಗ್ರಾಪಂನ ಮಾಜಿ ಅಧ್ಯಕ್ಷ ಎಸ್.ಡಿ.ಪಾಟೀಲ, ಬಿ.ಎನ್. ಪಾಟೀಲ್, ರಮೇಶ ದನದಮನಿ ಮುಂತಾದವರು ಮಾತನಾಡಿದರು. ಸಭೆಯಲ್ಲಿ ಹನುಮಂತಗೌಡ ದೊಡ್ಡಗೌಡರ, ಗ್ರಾಮ ಘಟಕದ ಅಧ್ಯಕ್ಷ ಪ್ರಕಾಶಗೌಡ ಪಾಟೀಲ, ಸಂಜೀವ ಚಾಕಲಬ್ಬಿ, ಶಿವರಾಜಗೌಡ ಪಾಟೀಲ, ಬಾಬಣ್ಣ ಜಕ್ಕನಗೌಡರ, ದ್ಯಾಮನಗೌಡ ಪಾಟೀಲ್, ಹನುಮಂತಗೌಡ ಪಾಟೀಲ, ಗಂಗನಗೌಡ ಪಾಟೀಲ, ಹನುಮಂತಗೌಡ ಮೂಲಿಮನಿ, ಫಕ್ಕಿರೇಶ ದೊಡ್ಡಗೌಡರ, ಅಂದಾನಗೌಡ ಬಾಗವಾಡ, ರಾಮನಗೌಡ ಪಾಟೀಲ ಮುಂತಾದವರು ಇದ್ದರು. ಶ್ರೀಗಳ ನಿಧನಕ್ಕೆ ಸಂತಾಪ ಸೂಚಿಸಲಾಯಿತು. ಸಿ.ಡಿ. ಪಾಟೀಲ್ ನಿರೂಪಿಸಿದರು.