ಸುದ್ದಿ ಸಂಕ್ಷೇಪ

ಇಂದು ಉಪನ್ಯಾಸ
ನರಗುಂದ: ಪಟ್ಟಣದ ಶ್ರೀ ಯಡೆಯೂರ ಸಿದ್ಧಲಿಂಗೇಶ್ವರ ಪ್ರಥಮ ದರ್ಜೆ ಕಾಲೇಜಿನ 2012-13ನೇ ಸಾಲಿನ ವಾರ್ಷಿಕ ಶಿಬಿರ ಕಾರ್ಯಕ್ರಮದ ನಿಮಿತ್ತ ಫೆ. 3ರಂದು ಭೈರನಹಟ್ಟಿ ದೊರಸ್ವಾಮಿ ವಿರಕ್ತಮಠದ ಆವರಣದಲ್ಲಿ ಗ್ರಾಮೀಣ ಬದುಕಿನ ಜನಪದ ಸಾಹಿತ್ಯ ಕುರಿತು ಉಪನ್ಯಾಸ ಜರುಗಲಿದೆ. ಶಾಂತಲಿಂಗ ಶ್ರೀಗಳು ಸಾನ್ನಿಧ್ಯ ವಹಿಸುವರು. ಹೊನ್ನಪ್ಪಗೌಡ ಪಾಟೀಲ, ಜಿ.ಜಿ. ಹುಬ್ಬಳ್ಳಿ, ಈರನಗೌಡ ಪಾಟೀಲ, ಎನ್.ಜಿ. ಐನಾಪುರ, ಎಂ.ಟಿ. ಪಾಟೀಲ, ಎಸ್.ಎಂ. ಅಪೋಜಿ, ವಿ.ಎಲ್. ಮುನೇನಕೊಪ್ಪ, ಆರ್.ಎಚ್. ಮೇಟಿ, ಕೆ.ಆರ್. ನಧಾಪ, ಹನಮಂತಗೌಡ ಪಾಟೀಲ, ಜಿಪಂ ಸದಸ್ಯ ಶಾಂತಾ ದಂಡಿನ, ಗ್ರಾಪಂ ಉಪಾಧ್ಯಕ್ಷ ಪರವ್ವ ಐನಾಪುರ, ಶೋಭಾ ಧನೇದಗುಡ್ಡ, ರುದ್ರವ್ವ ದೊಡಮನಿ, ಆರ್.ಬಿ. ತೆಗ್ಗಿನಮನಿ ಮುಂತಾದವರು ಆಗಮಿಸುವರು ಎಂದು ಪ್ರಕಟಣೆ ತಿಳಿಸಿದೆ.
ಇಂದು ವಿಚಾರ ಸಂಕಿರಣ
ನರೇಗಲ್ಲ: ಸ್ಥಳೀಯ ಕ್ಷೇತ್ರ ಧರ್ಮಸ್ಥಳ ಗ್ರಾಮೀಣಾಭಿವೃದ್ಧಿ ಯೋಜನೆ ರೋಣ ವಲಯ ಹಾಗೂ ನರೇಗಲ್ಲ ವಲಯ ಇವರ ಆಶ್ರಯದಲ್ಲಿ ಫೆ. 3ರಂದು ಬೆಳಗ್ಗೆ 10ಕ್ಕೆ ಸ್ಥಳೀಯ ಅನ್ನದಾನೇಶ್ವರ ಪ್ರೌಢಶಾಲೆಯಲ್ಲಿ ಕೃಷಿ ವಿಚಾರ ಸಂಕಿರಣ ಮತ್ತು ಜ್ಞಾನ ವಿಕಾಸ ಮಹಿಳಾ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ. ಸಾನ್ನಿಧ್ಯವನ್ನು ಶಾಖಾ ಶಿವಯೋಗವುಂದಿರ ನಿಡಗುಂದಿ ಕೊಪ್ಪದ ಶಿವಬಸವ ಮಹಾಸ್ವಾಮಿಗಳು ವಹಿಸುವರು. ಕೃಷಿ ವಿಚಾರ ಸಂಕಿರಣ ಉದ್ಘಾಟನೆಯನ್ನು ಗಜೇಂದ್ರಗಡದ ಸ್ನೇಹಾ ಮಹಿಳಾ ಮಂಡಳಿಯ ಗೌರವಾಧ್ಯಕ್ಷೆ ಸಂಯುಕ್ತಾ ಬಂಡಿ ನೆರವೇರಿಸುವರು. ಹಲವಾರು ಗಣ್ಯರು ಆಗಮಿಸವರೆಂದು ಪ್ರಕಟಣೆ ತಿಳಿಸಿದೆ.
ಇಂದು ವಾರ್ಷಿಕೋತ್ಸವ
ಲಕ್ಷ್ಮೇಶ್ವರ: ಪಟ್ಟಣದ ಆಕ್ಸ್‌ಫರ್ಡ್ ಶಾಲೆಯ ವಾರ್ಷಿಕೋತ್ಸವವನ್ನು ಫೆ. 3ರಂದು ಸಂಜೆ 4.30 ಕ್ಕೆ ಶಾಲೆಯ ಆವರಣದಲ್ಲಿ ಏರ್ಪಡಿಸಲಾಗಿದೆ ಎಂದು ಶಾಲಾ ಮುಖ್ಯೋಪಾಧ್ಯಾಯರು ತಿಳಿಸಿದ್ದಾರೆ. ಸಂಸ್ಥೆಯ ಅಧ್ಯಕ್ಷ ಮಹಾಬಲೇಶ್ವರಪ್ಪ ಬೇವಿನಮರದ ಅಧ್ಯಕ್ಷತೆ ವಹಿಸುವರು. ಮುಖ್ಯ ಅತಿಥಿಯಾಗಿ ಖ್ಯಾತ ಮನೋವೈದ್ಯ ಡಾ. ಆನಂದ ಪಾಂಡುರಂಗಿ ಹಾಗೂ ನಿವೃತ್ತ ಶಿಕ್ಷಕ ಜಿ.ಕೆ. ಕುಲಕರ್ಣಿ, ರೇಖಾ ತುಪ್ಪದ ಭಾಗವಹಿಸುವರು ಎಂದು ಸಂಸ್ಥೆಯ ಕಾರ್ಯದರ್ಶಿ ವಿ.ಎಂ. ಬೇವಿನಮರದ ಎಸ್.ಎಂ. ಬೇವಿನಮರದ ಮುಂತಾದವರು ಭಾಗವಹಿಸುವರು ಎಂದು ಪ್ರಕಟಣೆ ತಿಳಿಸಿದೆ.