ಆ. 4ರಂದು ಸಕಾಲ ಜಿಲ್ಲಾ ಮಟ್ಟದ ಕಾರ್ಯಾಗಾರ

ದಾವಣಗೆರೆ: ಸಕಾಲ ಸೇವೆಗಳ ಕಾಯ್ದೆಯಡಿ ಬರುವ ಎಲ್ಲಾ ಇಲಾಖೆ ಅಧಿಕಾರಿಗಳು, ಕಚೇರಿ ಸಿಬ್ಬಂದಿಗೆ ಒಂದು ದಿನದ ಕಾರ್ಯಾಗಾರವನ್ನು ಆ. 4ರಂದು ನಗರದ ಜಿಲ್ಲಾಧಿಕಾರಿ ಕಚೇರಿ ಕಟ್ಟಡ ತುಂಗಭದ್ರಾ ಸಭಾಂಗಣದಲ್ಲಿ ಏರ್ಪಡಿಸಲಾಗಿದೆ. ವಿವಿಧ ಇಲಾಖೆಗಳ ಸಕಾಲ ಸೇವೆಗಳನ್ನು ಯಶಸ್ವಿಯಾಗಿ ಜಾರಿಗೊಳಿಸಲು ಅನುಸರಿಸುವ ವಿನೂ
ತನ ಪದ್ಧತಿಗಳು, ತಂತ್ರಾಂಶದಲ್ಲಿ ಸುಧಾರಣೆ, ಕುಂದು ಕೊರತೆ ನಿರ್ವಹಣೆಯಲ್ಲಿ ಸಾಧನೆ, ಸಕಾಲದ ಬಗ್ಗೆ ಜನಾಭಿಪ್ರಾಯ, ಕೈ ಗೊಳ್ಳಬೇಕಾದ ಸುಧಾರಣಾ ಕ್ರಮಗಳ ಸೇರಿದಂತೆ ಇತರೆ ವಿಚಾರಗಳ ಬಗ್ಗೆ ಚರ್ಚಿಸಲಾಗುವುದು. ಸಕಾಲ ಯೋಜನೆ ಉಸ್ತುವಾರಿ ವಹಿಸಿರುವ ಕಚೇರಿ ವ್ಯವಸ್ಥಾಪಕರು, ಶಿರಸ್ತೇದಾರರು, ಮೇಲ್ವಿಚಾರಕರು, ವಿಷಯ ನಿರ್ವಾಹಕರಿಗೆ ಸಕಾಲದ ಬಗ್ಗೆ ಹೆಚ್ಚಿನ ತರಬೇತಿ, ಮಾರ್ಗದರ್ಶನ ನೀಡಲಾಗುವುದು ಎಂದು ಜಿಲ್ಲಾಧಿಕಾರಿ ಎಸ್.ಟಿ. ಅಂಜನಕುಮಾರ ತಿಳಿಸಿದ್ದಾರೆ.