ಬಿಸಿಯೂಟದ ಕೊಠಡಿ ಉದ್ಘಾಟನೆ

ನ್ಯಾಮತಿ: ಶಿಕ್ಷಣದ ಉತ್ತೇಜನಕ್ಕೆ ಸರ್ಕಾರ ನೀಡುತ್ತಿರುವ ಸೌಲಭ್ಯ ಸದ್ವಿನಿಯೋಗವಾಗಬೇಕು. ಖಾಸಗಿ ವಿದ್ಯಾ ಸಂಸ್ಥೆಗಳಲ್ಲಿಯಂತೆ ಸರ್ಕಾರಿ ಶಾಲೆಗಳಲ್ಲಿಯೂ ಶಿಕ್ಷಣ ಮಟ್ಟ ಸುಧಾರಿತವಾಗುತ್ತಿರುವುದು ಸಂತಸಕರ ಎಂದು ಹೊನ್ನಾಳಿ ಶಾಸಕ ಡಿ.ಜಿ.ಶಾಂತನಗೌಡ ತಿಳಿಸಿದರು.
ಇಲ್ಲಿನ ವಿವೇಕಾನಂದ ವಿದ್ಯಾಸಂಸ್ಥೆಯಲ್ಲಿ 2011-12ನೇ ಸಾಲಿನ ಅಕ್ಷರದಾಸೋಹ ಕಾರ್ಯಕ್ರಮದಡಿ ಆಡಳಿತಮಂಡಳಿ ಹಾಗೂ ಅನುದಾನದ ರು. 18 ಲಕ್ಷ ವೆಚ್ಚದಲ್ಲಿ ನಿರ್ಮಾಣಗೊಂಡ ಪ್ರಾಥಮಿಕ ಮತ್ತು ಪ್ರೌಢಶಾಲಾ ವಿಭಾಗದ ಹೈಟೆಕ್ ಬಿಸಿಯೂಟದ ಕೊಠಡಿ ಉದ್ಘಾಟಿಸಿ ಅವರು ಮಾತನಾಡಿದರು. ನ್ಯಾಮತಿ ಕ್ಷೇತ್ರ ಜಿಪಂ ಸದಸ್ಯ ಜಿ.ಶಿವರಾಮನಾಯಕ, ತಾಪಂ ಸದಸ್ಯೆ ಭಾರತಿ, ಶಿಕ್ಷಣಾಧಿಕಾರಿ ಜಿ.ಎಸ್.ರಾಜಶೇಖರಪ್ಪ, ಮೈಸೂರುಭರ್ಮಪ್ಪ, ನಿರಂಜನಮೂರ್ತಿ, ನುಚ್ಚಿನವಾಗೀಶ್ ಮಾತನಾಡಿದರು.
ವಿದ್ಯಾಸಂಸ್ಥೆ ಅಧ್ಯಕ್ಷ, ಮಾಜಿ ಶಾಸಕ ಡಿ.ಬಿ.ಗಂಗಪ್ಪ ಅಧ್ಯಕ್ಷತೆ ವಹಿಸಿದ್ದರು. ಎನ್.ಡಿ.ಪಂಚಾಕ್ಷರಪ್ಪ, ಎಚ್.ರಾಜೇಂದ್ರಪ್ಪ, ಬಸವರಾಜಪ್ಪ,ಎನ್.ಎಂ.ಶಿವರಾಜು, ಶೋಭಾಮಹೇಶ್ವರಪ್ಪ, ರವಿತೋಂಟದಾರ್ಯ ಉಪಸ್ಥಿತರಿದ್ದರು