ಟಿಕೆಟ್ ವಂಚಿತರು ಬಂಡಾಯ ಏಳಬೇಡಿ

ಹರಪನಹಳ್ಳಿ: ಟಿಕೆಟ್ ವಂಚಿತರು ಬಂಡಾಯ ಏಳುವುದು ಅಥವಾ ಬೇರೆ ಪಕ್ಷಗಳಿಗೆ ಹೋಗುವುದು ಮಾಡಬೇಡಿ. ಮುಂದೆ ನಾಮನಿರ್ದೆಶನ ಸೇರಿದಂತೆ ವಿವಿಧ ರೀತಿಯಲ್ಲಿ ಅವಕಾಶ ಒದಗಿಸಲಾಗುವುದು ಎಂದು ಕೆಪಿಸಿಸಿ ಸದಸ್ಯ ಡಿ. ಬಸವರಾಜ ಪುರಸಭಾ ಚುನಾವಣೆ ಟಿಕೆಟ್ ಆಕಾಂಕ್ಷಿಗಳಿಗೆ ತಿಳಿಸಿದ್ದಾರೆ.
ಪಟ್ಟಣದ ಕಾಂಗ್ರೆಸ್ ಕಚೇರಿಯಲ್ಲಿ ಆಯೋಜಿಸಿದ್ದ ಪುರಸಭಾ ಚುನಾವಣಾ ಪೂರ್ವಸಿದ್ಧತಾ ಸಭೆಯಲ್ಲಿ  ಪಾಲ್ಗೊಂಡು ಸೋಮವಾರ ಮಾತನಾಡಿದರು.
ಟಿಕೆಟ್ ಬಯಸುವುದು ತಪ್ಪಲ್ಲ, ಆದರೆ ಸೀಟು ಸಿಗದೆ ಇದ್ದರೆ ಬಂಡಾಯ ಏಳದೆ, ಅಧಿಕೃತ ಅಭ್ಯರ್ಥಿಯ  ಗೆಲುವಿಗೆ ಶ್ರಮಿಸಬೇಕು ಎಂದರು.
ಫೆ.23ರ ಬೆಳಿಗ್ಗೆ ಕಾಂಗ್ರೆಸ್ ಪಕ್ಷದ ಅಧಿಕೃತ ಅಭ್ಯರ್ಥಿಗಳ ಪಟ್ಟಿಯನ್ನು ಬಿಡುಗಡೆ ಮಾಡಲಾಗುವುದು. ಇದು ಮಿನಿ ಸಮರ. ಒಗ್ಗಟ್ಟಾಗಿ ದುಡಿದು ಎಂ.ಪಿ. ರವೀಂದ್ರ ಅವರ ಸಮರ್ಥ ನಾಯಕತ್ವದಲ್ಲಿ ಕಾಂಗ್ರೆಸ್ ಪಕ್ಷ ಈ ಮ್ಯಾಚ್ ಗೆಲ್ಲಲೇಬೇಕು ಎಂದರು.
ಟಿಕೆಟ್‌ಗೆ ಅರ್ಜಿ ಸಲ್ಲಿಸಬೇಡಿ: ಬಳ್ಳಾರಿ ಜಿಲ್ಲಾ ಕಾಂಗ್ರೆಸ್ (ಗ್ರಾಮೀಣ) ಘಟಕದ ಅಧ್ಯಕ್ಷ ಎಂ.ಪಿ. ರವೀಂದ್ರ ಮಾತನಾಡಿ, ಈ ಪುರಸಭಾ ಚುನಾವಣೆಯನ್ನು ಸವಾಲಾಗಿ ಸ್ವೀಕರಿಸಿ ನಾವೆಲ್ಲರೂ ಸೇರಿ ಹೋರಾಟ ಮಾಡಿ ಕಾಂಗ್ರೆಸ್ ಪಕ್ಷದ ಅಭ್ಯರ್ಥಿಗಳನ್ನು ಗೆಲ್ಲಿಸೋಣ ಎಂದರು.
ಜಿಲ್ಲಾ ಕಾಂಗ್ರೆಸ್ ಮಹಿಳಾ ಘಟಕದ ಅಧ್ಯಕ್ಷೆ ಪುಷ್ಪಾ ಲಕ್ಷ್ಮಣಸ್ವಾಮಿ, ಪುರಸಭಾ ಮಾಜಿ ಅಧ್ಯಕ್ಷಎಂ. ರಾಜಶೇಖರ, ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಹಾಲೇಶ್,  ಪ್ರಕಾಶ್, ಎಸ್. ಮಂಜುನಾಥ, ಮುಖಂಡವಿರುಪಾಕ್ಷಯ್ಯ, ಸಾಸ್ವಿಹಳ್ಳಿ ಚೆನ್ನಬಸವನಗೌಡ, ಪರಶುರಾಮಪ್ಪ, ಕಟ್ಟಿ ರಂಗನಾಥ, ಎಂ.ಬಿ. ಅಧಿಕಾರ, ಚಂದ್ರೇಗೌಡ, ಪುಷ್ಪಾ ದಿವಾಕರ, ತಾಪಂ ಉಪಾಧ್ಯಕ್ಷ ಹನುಮಂತಪ್ಪ, ಕೋಡಿಹಳ್ಳಿ ಭೀಮಪ್ಪ, ಕೆ.ಎಂ. ಬಸವರಾಜಯ್ಯ, ಶಿವಾನಂದಯ್ಯ ಮತ್ತಿತರರು ಪಾಲ್ಗೊಂಡಿದ್ದರು.